Panta mynd Notkunarskilmálar

Handkvörn

1890 - 1900

Varðveitt hjá

Menningarmiðstöð Þingeyinga

Stokkur. Innanmál 57.5 x 57.5 x dýpt 17 cm. Gerður úr 2.5 cm furuborðum. Geirnegldur. Op á einni hlið 9 x 7 cm, lokað með hleypiloki að utan. Steinar íslenskt hraungrjót 46 cm í þvermál. Í neðri stein miðjan er festur möndull úr grönnu járni. Gengur hann upp í spýtu, sem grópuð er í efri stein að neðan, þvert yfir augað. Auga efri steins er 7 cm í þvermál. Í röð efri steins er höggvið gróp 9 cm langt og 3.5 cm breitt. Er felldur í það tréklossi með 12 cm löngum járnteini. Á teininum er jafnlangt bein úr stórgripslegg og er það handfangið. Neðri steinn er sprunginn og gyrtur með járngjörð. Efri steinninn heill. Þegar malað er, er kornið sett í auga efri steinsins, honum síðan snúið með átaki á handfangið í röð steinsins. Snýst hann þá um möndul þann, sem festur er í neðri steininn og áður er lýst.