Saumavél
1887
Varðveitt hjá
Menningarmiðstöð Þingeyinga
Saumavél í kassa. Föðrusystir gefanda,
Björg Sigurgeirsdóttir, húsfreyja í Róm á Húsavík átti vélina upphaflega.
Er kassinn með fangamarki BS og ártali 1887. Saumavélin er af elstu gerð
saumavéla í tréborði, snyrtileg og óskemmd. Kassinn er með hleypiloki.
Hann mun hafa verið smíðaður af manni Bjargar, Birni Friðfinnssyni snikkara.
Undir kassanum er fótstokkur, geirnegldur á hornum og laufskorinn fyrir
miðri framhlið og göflum. Hleypilok er í framhlið, dregið til hægri og
lokar skáp, sem saumavélin stendur í. Í hleypiloki er trérúða felld í lista.
Ofan á kassanum eru listar, "fasaðir" 5 cm þykkir. Mynda þeir
hólf, sem skipt er niður í 11 smáhólf. yfir þeim er lok á hjörum og lás
fyrir. Hæð á fótstykki frá gólfi 3.8 cm. Hæð á kassa að listum 31.5 cm.
Breidd 30 cm, lengd 51 cm. Lok á efri kassa (hólfum) 26.5 x 44 cm. Saumavélinni
fylgir hetta úr ofnu efni cm yfir hana er hvolft. Einnig nálapúði.
Aðrar upplýsingar
Ártal
1887
Safnnúmer
Safnnúmer A: 1269
Staður
Staður: Húsavík, Norðurþing
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti
Efnisorð: Saumavél