Til baka í leit
Veistu meira?

Skatteringargrind

1880 - 1890
Varðveitt hjá
Menningarmiðstöð Þingeyinga
Fótur grindarinnar er gerður úr tveimur slám, sem festar eru á þverklossa í endana. Er nokkurt bil á milli þeirra. Verður breidd fótarins alls (lengd þverklossanna) 17.5 cm en lengd 95.5 cm. Upp úr þverklossunum (á endum fótarins) miðjum standa uppistöður, sín á hvorum enda fótarins, eru þær renndar og festar með tréróm neðan á klossunum. Eru þær 22 cm á hæð. Efri endi þeirra er ferkanntaður og rauf niðurí. Á örmum þessum eru þverkefli fest á eyrum, sem ganga úr miðju þeirra niður í raufina á uppistöðum og leika þar á ás. Myndast þar eins konar keflisliður. Þverkefli þessi eru 66 cm löng, þar af 21 cm á hvorum enda skrúfgangur og er keflilaga ró á hverjum enda. Eftir er þá 24 cm sívalningur í miðju, ??ilega helmingi sverari en skrúfgangurinn. Sjálf grindin er gerð úr tveimur slám með götum á endunum, sem skrúfgangur þverkeflanna gengur í gegnum. Eru langslár þessar 95 cm langar og 3.5 x 3.5 cm sverar í endana. Sú hlið þessara langsláa, sem upp veit, er með stöllum 1 cm ; 7 cm frá endum og síðan er hún rekin 30 járpinnum, sem standa nálega 1 cm út úr viðnum og mynda beina línu, eða röð eftir endilöngum slánum. Lok úr þessari fjöl. jafnbreiðri jafnlangri slánum leikur á hjörum á endum þeirra og fellur yfir tindana. Þessar langslár og þverkeflin mynda þannig sín á milli ramma, sem er 84 cm langur (innanmál) en misbreiður eftir því hve hliðarnar ganga langt upp á skrúifgang þverkeflanna. Er breiddin afmörkuð með hinum keflilaga róm, sem áður eru nefndar, og hafðar hafa verið innan við slárnar á þverslánum, skrúfgangsendum keflanna. Það er skattera skyldi, hefir verið fest á pinnana á langhliðum rammans og síðan strengt með því að skrúfa rærnar að langslánum. Samfellur voru skatteraðar í þessum ramma. Grind þessi var eign Ragnheiðar Benediktsdóttur, sýslumanns, Sveinssonar. Var hún systir Einars Benediktssonar skálds.

Aðrar upplýsingar

Ártal
1880 - 1890
Efni
Safnnúmer
Safnnúmer A: 103
Staður
Staður: Héðinshöfði 1, 641-Húsavík, Tjörneshreppur
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti

Upprunastaður

66°5'4.8"N 17°19'12.3"W