Panta mynd Notkunarskilmálar

Dúksvunta

1850 - 1860

Varðveitt hjá

Menningarmiðstöð Þingeyinga

Þráðardúkssvunta, sídd 84 cm, br. um fald að neðan 117 cm, að ofan 54 cm og að auki sproti 15 cm. Svuntan úr svörtu togi. Svuntan er teinótt, teinar mjög grannir, til skiptis rauður og hvítur þráður saman og mjög ljósgrænn og grænn. Á milli teina 1.7 cm. Saumuð úr tveimur dúkum. Var eign Guðnýjar Hallgrímsdóttur frá Leifsstöðum í Eyjafirði, móður Kristjönu Jónsdóttur á Mýri í Bárðardal, móður Aðalbjargar Jónsdóttur á Mýri, móður Huldu sem gefur. Guðný fór til Ameríku roskin kona. Varð svuntan þá eftir og varðveittist hjá frændfólki Guðnýjar á Akureyri. Þaðan kom hún í eigu Aðalbjargar á Mýri og frá henni til Huldu.