Stofuborð

1850 - 1860

Varðveitt hjá

Stofuborð - vinnuborð - Stærð: plata 141 x 141 cm. Hæð á plötu frá gólfi 81 cm. Rammi undir plötu 15 cm breiður. Fjórar skúffur læstar eru í borðinu, tvær hvoru megin. Stærð skúffu: lengd 60.5 cm, breidd 41 cm, dýpt 10.5 cm. Borðið er ferkantað og sinn fótur undir hverju horni, renndir úr harðviði (eik) og skrúfaðir upp í klossa, sem festir eru á rammann. Rammi undir plötu spónlagður og eins skúffur að framan með mahoní spæni. Harðviðarbitar utan á plötu, ávalir. Spónlögð rönd ofan á plötu allt í kring, 7.7 cm breið. Plata, rammi og skúffur eru úr furu. Platan, innan spónlagða rammans, hefur verið fóðruð með dökkgrænum pappír. Þegar hann hefur trosnað hefur annar, lítið eitt ljósari, verið límdur ofan á. Öll er þessi álíming mjög trossnuð nú (1958). Borð þetta keypti Kristján Jónasson frá Narfastöðum í Kaupmannahöfn og taldi vera úr búi Jóns Sigurðssonar forseta og frú Ingibjargar Einarsdóttur konu hans. Kristján andaðist í Kaupmannahöfn og þá var borðið flutt heim í Narfastaði og hefur verið þar síðan. Var lengi notað sem stofuborð.