Kaffistell
1840
Varðveitt hjá
Menningarmiðstöð Þingeyinga
Postulín, handmálað, framleitt af Bing & Grøndal, Kaupmannahöfn. 8 bollapör, 1 sykurkar, 1 rjómakanna og 1 súkkulaðikanna (stór). Samtals 11 stk. Gripir þessir eru úr búi sýslumannshjónanna Sigfúsar og Ingibjargar Schulsen. Sigfús sýslumaður Þingeyinga frá 28. sewpt. 1841 til 11. febr. 1861. Hann dó á Húsavík 29. arpíl 1862. Ingibjörg flutti síðar til Reykjavíkur og enn síðar til Kaupmannahafnar og bjó þar þar til hún lést þar. Þau giftu sig 11. sept. 1840 og þá voru þessir gripir fyrst notaðir og síðan einungis við hátíðleg tækifæri. Fanney hét dóttir Ingibjargar og Sigfúsar. Hún flutti með móður sinni til Kaupmannahafnar svo og sonur sem Ingibjörg eignaðist með Gísla adjunkt Magnússyni, Árni Beinteinn (var tónlistarmaður). Ingibjörg og Sigfús eignuðust einnig tvo syni Hans Árna og Óla Theodór en þeir dóu ungir. Fanney bjó eftir það í Kaupmannahöfn, ógift og barnlaus og lést þar 1929. Hún gaf þetta stell vinkonu sinni, Kristínu Guðmundsdóttur, Garðastræti 4 í Reykjavík, sem aftur gaf til Byggðasafns Suður-Þingeyinga. Upplýsingar um Schulesen fjölsk. Ísl. æviskrár IV. bindi, Páll Eggert Ólason, Rvík 1951.
Aðrar upplýsingar
Bing & Gröndahl postulínsverksmiðja, Hlutinn gerði
Sigfús Schulesen, Notandi
Ingibjörg Óladóttir Schulesen, Notandi
Sigfús Schulesen, Notandi
Ingibjörg Óladóttir Schulesen, Notandi
Ártal
1840
Safnnúmer
Safnnúmer A: 1489
Staður
Núverandi sveitarfélag: Norðurþing, Norðurþing
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti
Efnisorð: Kaffistell