Dorg

1800

Varðveitt hjá

Dorgtré Stefáns Helgasonar, bónda í Haganesi við Mývatn. Efni birki. Nokkuð s-laga með haki sem veit niður til stuðnings við handarjaðarinn. Sett saman, skáskorið um handfangið og fest með hnoðnöglum, grannt í framendann. L. 26.5 cm. Var dorgtré Helga Ásmundssonar bónda á Skútustöðum, ættföður Skútustaðaættar, síðan Jóns sonar hans, þá Helga í Haganesi, sonar Jóns og loks Stefáns. Dorgveiði er stunduð gegnum ís. Vakaður er ísinn með ísbroddi, vökin höfð svo víð að auðvelt sé að draga silung upp um hana. Setið er við vökina á silungaskrínu. Taumur er krossvafinn um miðju dorgtésins og þverpinnana. Taumur með sökku og öngli er gefinn niður um vökina, þar til nemur við botn. Þá er kippt spölkorn upp og taum brugðið um framenda dorgtrésins og settur þar fastur. Beitt hvítum maðki. Síðan er dortrénu dúað tl með lítilli hreyfingu um úlnlið.