Skápur

1760

Varðveitt hjá

Stærð, utanmál: Hæð 87 cm, breidd 46.5 cm, dýpt 32 cm. Í aðfangabók safnsins er mjög löng lýsing á skápnum - hér ritaður útdráttur. Að neðan, utan á hliðum og að framan á hurðinni eru strikaðir listar sem mynda einskonar fót. Utanmál þar 35 cm x 50 cm. Að ofanverður samskonar listar, mun stærri, mál þar 37.5 x 55 cm. Bak skápsins er slétt. Að framan á miðjum hliðum eru strikaðir listar 5.5 cm breiðir, um o.8 cm þykkir. Hurðir eru tvær, sú efri með hjörum á hlið, 39.5 cm á breidd, 37.7 cm á hæð. Sú neðri opnast fram, með hjörum að neðan, næstum jafnbreið, en 40.5 cm á hæð. Hurðirnar sléttar en utan á raðir þeirra að framan er rammi úr listum. Listi á neðri röð efri hurðar fellur yfir efri röð neðri hurðar þegar skápnum er lokað. Á hurðum, innan í römmum er útskurður, gegnum skorinn og festur á með smánöglum. Verður ekki séð hvort þeir eru úr járni eða tré.Útskurður á efri hurð er nokkuð brotinn og vantar í. Upp úr litlum vasa eða keri gengur einshliða flétta og er í hana brugðið einhverju sem líkist stöfum og gæti hafa verið fangamark en er mjög torráðið. Fléttan nær milli efri og neðri lista en er nú 13 cm breið þar sem hún er breiðust en hefur verið meira að öllum líkindum. Á neðri hurð er útskurður heillegur og vantar lítið. Uppistaðan þar er blaðflétta sem kemur upp úr keri neðst í miðju, tekur fléttan yfir meginhluta af yfirborði hurðarinnar. Þvert yfir fléttuna, ofan við miðju, er ártalið 1760. Í sömur hæð og ártalið eru vogarskálar og hallast vogarásinn svo mikið að vinstri armur rís á ská yfir 17 í ártalinu en hægri armur lendir fyrir neðan 60. Neðst í fléttunni eru tvær fígúrur(persónur) og snúa báðar til hægri. Fremri persónan stendur við þá metaskálanna sem neðar er og leggur með hægri hendi hjarta í skálina. Er sú pers. með parruk og í síðum, aðskornum frakka. Hin figúran., sú sem aftar stendur og í vinstri hlemingi fléttunnar, er með síðara hár, heldur í hægri hendi um staf (?) er hún styður niður fyrir framan sig. Í feta, sem brugðið er um herðar henni og háls, ber hún á baki sér eitthvað sem líkist barni. Skápur þessi var búrskápur á Narfastöðum frá því um 1890 þar til hann kom til safnsins. Óljóst hvaðan hann kom í Narfastaði, gekk undir nafninu "Guttaskápur". Skápurinn var gerður upp af Aðalgeiri og Sigurði Halldórssonum á Stóru-Tjörnum.