Torfkrókur
Varðveitt hjá
Menningarmiðstöð Þingeyinga
Torfkrókur. Tvær
uppistöður, stólpar 54 cm langir og 6 x 7 cm sverir. Neðst á þá , og viknkilt
við, eru sporaðar slár, 45 cm langar, skáskífur eru á milli efri enda stuðlanna
og útenda vinkilslánna. Á milli stuðla og í þá eru sporaðar þverslár, önnur
nærri efst og hin neðar og verður þá krókurinn 51 cm á breidd, utanmál.
Á efri slánni miðri eru 2 göt fyrir sila, sem ýmist var úr ól eða kaðli.
Á milli vinkilslánna eru einnig nokkrar (4) þverslár, sporaðar inn í.
Er torfkrókur
var notaður var silinn settur á klakk. Lágu þá bakstuðlarnir við klakktorfuna
en vinkilslárnar risu skáhalt upp og út frá hestinum. Það sem flytja skyldi
var síðan sett í krókinn og mynduðu þverslárnar á milli vinkilslánna eins
konar botn í krókinn. Það sem flutt var þannig var einkum mór, tað, hnausar
í veggi og torf (heytorf og þaktorf). Þá var torfan undin upp frá enda
til enda og lögð í hringnum upp í krókinn, sín á hvora hlið hestinum. Stundum
voru torfkrókar notaðir þegar flutt var búferlum, til þess að láta börn
sitja í þeim og voru þau þá bundin niður í krókana, sitt á hvora hlið hestinum.
Aðrar upplýsingar
Safnnúmer
Safnnúmer A: 968
Stærð
54 x 6 x 7 cm
Lengd: 54 Breidd: 6 Hæð: 7 cm
Staður
Staður: Veturliðastaðir, 601-Akureyri, Þingeyjarsveit
Aðfangategund
Undirskrár
Undirskrá: Byggðasafn S-Þingeyinga
Efnisorð / Heiti
Efnisorð: Torfkrókur
Upprunastaður
65°41'28.0"N 17°53'23.8"W