Munir
1948
Varðveitt hjá
Byggðasafn Árnesinga
Mótorbátur, hvítur og grár með ómáluðum borðum efst sem sett voru á bátinn síðar. Kassi utan um mótor í miðju bátsins. Báturinn er 5,6 metra langur. Honum fylgir handsnúinn mótor sem knúði bátinn.
Mótorbátur Helga Þorvaldssonar bónda á Gamla-Hrauni, „Úr dánarbúi Helga Þorvaldssonar á Gamla-Hrauni barst safninu opin mótorbátur sem hann smíðaði sjálfur.“ (Ársskýrsla Byggðasafns Árnesinga 2009)
Í viðtali Guðna Einarssonar blaðamanns við Helga í Morgunblaðinu 8. apríl 2004 segir: „Trilla sem hann smíðaði fyrir sjálfan sig hvílist úti í skúr á Gamla-Hrauni, að sögn Helga, full af drasli. En hvar lærði Helgi bátasmíðina?
„Ég fylgdist með gömlum manni, Sigurjóni Jóhannessyni, sem smíðaði báta hér á hlaðinu. Ég lærði af honum og sjálfum mér að smíða bátana. Hann átti hér tvo syni, annan á Bakkanum og hinn á Stokkseyri. Þeir voru báðir við bátasmíðar og smíðuðu uppskipunarbáta fyrir Kaupfélag Árnesinga og Vesturbúðina, sem var dönsk verslun.“
Bátur sem Helgi smíðaði sér 1948 var knúinn handsnúinni vél. Helgi sat um borð og sneri sveif og hver snúningur sneri skrúfunni níu hringi. Þessi útbúnaður skilaði bátnum jafn hratt og ef honum var róið. „Ég fór á bátnum hér út fyrir brimgarðinn á þyrskling. Dorgaði með annarri hendi og andæfði á sveifinni með hinni,“ segir Helgi.“
Gefandi er dánarbú Helga Þorvaldssonar. Gunnar Ingi Olsen var milligöngumaður en Haukur Jónsson og Jóhann Jóhannsson aðstoðuðu við að færa gripinn á safnið.
Aðrar upplýsingar
Ártal
1948
Efni
Safnnúmer
Safnnúmer B: 2009-53
Stærð
560 x 0 cm
Lengd: 560 cm
Staður
Staður: Gamla-Hraun 2, 820-Eyrarbakka, Sveitarfélagið Árborg
Aðfangategund
Undirskrár
Undirskrá: Bátaskrá
Undirskrá: Almenn munaskrá
Upprunastaður
63°50'56.3"N 21°6'56.5"W