Teikning, listræn

2003

Varðveitt hjá

Pennateikning af Völlum í Svarfaðardal. Myndin er gerð á hvítan pappír með svörtum penna. Auk teikningar af Völlum er einnig teikning af landslagi og konu, manni og barni. Á myndinni er eftirfarandi texti"Séra Stefán Baldvin Kristinsson (f.9.12.1870) fékk Velli í ágúst 1901 og var vígður í Reykjavík í september sama ár. Kona hans Sólveig Pétursdóttir Eggerz (f.1.4.1876) kom með honum ásamt syninum Pétri Eggerz-Stefánssyni (f.10.8.1900) Vallarkirkja var byggð árið 1861, en laskaðist mikið í ofsaroki haustið 1900. Vel tókst að lagfæra skemmdirnar vorið 1901. Dánarbú forvera séra Stefáns reyndist þrotið að efnum og öll bæjarhús að hruni komin. Baðstofan (að baki) var einna reisulegust- nýlegur suðurendi. Búr- lítið, en þar var einhólfa eldavél. Hlóðareldhús. Göng frá baðstofu að bæjardyrum Framstofa með lofti, stiga, hurð og skrá. (Skáli- nú fallinn og horfinn) Skemma fyrir sunnan bæ Gripahús voru einkar léleg. Fjós og hesthús fyrir ofan bæ. Syðsta-, efsta- og miðhús svo og hesthús suður og niður á velli". Einnig stendur"VELLIR í Svarfaðardal 1901" og "EES. 27/2/03". Samkvæmt símtali við Elínu byrjaði hún ekki að mála fyrr en árið 2002. Elín á ættir að rekja að Völlum og Sökku í Svarfaðardal. Faðir hennar var Pétur Eggerz Stefánsson f. 10. ágúst 1900 á Akureyri en foreldrar hans voru S. B. Kristinsson prestur á Völlum og kona hans Sólveig Pétursdóttir Eggerz. Móðir Elínar var Sigurveig Guðlaug Þorgilsdóttir f. 9. mars 1898 á Sökku, dóttir Þ. Þorgilssonar bónda á Sökku og seinni konu hans Elínar S. Árnadóttur.