Dúkur, óþ. notk.

1945 - 1960

Varðveitt hjá

Handprjónaður munstraður dúkur úr mjög fínu bómullargarni. Hann er hringlóttur og hvítur að lit. Viðgerðir voru gerðar af eiganda. Eigandi dúksins var Sveinborg Gísladóttir á Dalvík en hún hefur trúlega keypt hann af vinkonu sinni Guðrúnu Þorleifsdóttur. Guðrún fæddist á Sveinsstöðum í Skíðadal. Guðrún bjó með Ólafi Sigmundssyni(Óla Lín) sjómanni á Dalvík m.a. í Bergþórshvoli. Síðar varð hún ráðskona hjá bróður sínum í Framnesi á Upsaströnd og Laxamýri við Goðabraut 6 á Dalvík. Guðrún giftist ekki en átti dótturina Rósu Snjólaugu með David Barber. Í bókinni Saga Dalvíkur 4. bindi er sagt frá sögulegri sjóferð og hrakningum sem þau lentu í Guðrún og Ólafur. Hún þótti hafa sýnt fádæma þrek og áræði við að bjarga Ólafi og fékk hún verðlaun úr hetjusjóði Carnegies, 500 krónur, sem þótti mikið fé árið 1938. Guðrún var ein af stofnendum Verkalýðs Dalvíkur. Hún veiktist af berklum og dvaldi um skeið á Kristneshæli. Það sagði hún að hefði verið sinn skóli. Þar lærði hún að hekla og prjóna dúka auk annarar handavinnu. Hún var mikil handverkskona og jók tekjur sínar með því að selja handverk sitt.