Sjóvettlingur
1900 - 1950
Varðveitt hjá
Minjasafn Egils Ólafssonar Hnjóti
Sjóvettlinga þessa notaði Daníel
Ó. Eggertsson bóndi á Hvallátrum á síðustu vertíð sinni sem formaður á
bát sínum Hrefnu. Vettlingarnir eru dregnir, en svo voru þeir sjóvettlingar
kallaðir sem mjög voru þófnaðir af árum og færum, sagt var að þeir hlypu
til í dróma. Þegar vettlingar voru orðnir dregnir voru þeir gjarnan notaðir
í vetrarkuldum, svo og sem hrífu- og kláravettlingar. Sjóvettlingar voru
venjulega tví- eða þrílitir, fitin voru alltaf í öðrum lit en klukka, grip
og úrtök. Væri vettlingur þrílitur var klukkan með öðrum lit.
Aðrar upplýsingar
Daníel Óskar Eggertsson, Notandi
Ártal
1900 - 1950
Safnnúmer
Safnnúmer B: 2009-104
Staður
Núverandi sveitarfélag: Vesturbyggð, Vesturbyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Sjóvettlingur