Til baka í leit
Veistu meira?

Málverk, + mótív

Varðveitt hjá
Byggðasafn Dalvíkurbyggðar Hvoll
Olíumálverk af landslagi sem ber heitið Óveður við strönd. Sveinn Þórarinsson listmálari málaðai verkið en hann var fæddur 1899 og dáinn árið 1977. Sigurjón Jónsson læknir og kona hans Sigríður Ólafsdóttir fengu það frá Svarfdælingum þegar Sigurjón lét af störfum. Sigurjón var fæddur 22. desember 1872 á Hæli á Ásum, d. 30. ágúst 1955 í Reykjavík. Hann var héraðslæknir í Svarfdælahéraði 1908-38 en fékk þá laus frá embætti og flutti til Reykjavíkur, þar sem hann dvaldi til æviloka. Á meðan hann var héraðslæknir í Svarfaðardal bjó hann í Árgerði og rak þar nokkurn búskap. Kona hans var Sigríður Ólafsdóttir f. 26. september 1875 í Reykjavík, d. 4. janúar 1952. Þau eignuðust 4 börn og eina fósturdóttur.Ramminn utan um myndina er gylltur og svartur og innanmál hans er 8,6 x 69,5 cm. Á rammann er fest 8,2 x 3,1 cm. stór silfurplata með áletruninni"TIL LÆKNISHÓNANNA SIGURJÓNS JÓNSSONAR OG SIGRÍÐAR ÓLAFSDÓTTUR FRÁ SVARFDÆLINGUM 16 SEPT. 1938". Svo virðist sem Júlíus Sigurjónsson sonur hjónanna hafi fengið verkið eftir þeirra dag. Hann var fæddur 26.desember 1907 á Grenivík, læknir og prófessor í Reykjavík. Kona hans var Bergljót Sigurjónson og gaf hún safninu málverkið.

Aðrar upplýsingar

Efni
Safnnúmer
Safnnúmer B: 2008-75
Stærð
99.1 x 81.4 x 4.5 cm Lengd: 99.1 Breidd: 81.4 Hæð: 4.5 cm
Aðfangategund
Undirskrár
Undirskrá: Almenn munaskrá
Efnisorð / Heiti