Til baka í leit
Veistu meira?

Upphlutur

Varðveitt hjá
Menningarmiðstöð Hornafjarðar
Blár upphlutur. Líklega komið frá Önnu Þórhallsdóttur. Anna Þórhallsdóttir gaf Byggðasafni Austur-Skaftafellssýslu að gjöf þjóðbúninga og þeim fylgdi eftirfarandi bréf: Gjafabréf Ég undirrituð leyfi mér að gefa Byggðasafni Austur-Skaftfellinga eftirtalda safngripi: 1-2. Tveir gamlir íslenskir þjóðbúningar. Samfellur. Sá fyrri var hátíðarbúningur og hefir fald á höfði. Krókfaldur tilheyrir þessum búningi mínum. Sá síðari mun hafa verið notaður sem sparibúningur. Höfuðfatnaður við hann er skotthúfa. 3. Stokkabelti, tilheyrir hátíðarbúningnum.  4. Flauelsbelti með silfurfestingu, tilheyrir hinum. 5. Skotthúfa með silfurhólk. 6. Hvít langerma blússa á við hátíðarbúninginn.  7. Hvítt sítt undirpils á við hátíðarbúninginn. 8. Íslenskir skinnskór (koma seinna) 9. Prjónaðir leppar með útprjóni (koma seinna) 10. Silfur hálsmen tilheyrandi hátíðarbúningnum. 11. Silfur brjóstnál tilheyrandi sparibúningnum. 12. Hárkolla. Þjóðbúningar sem þessir voru mikið notaðir á 18. öld. Búningarnir voru saumaðir í Kaupmannahöfn, frú Sigríður Poulsen sneið þá en ég undirrituð saumaði þá. Með kærri kveðju,   Anna Þórhallsdóttir, söngkona og langspilsleikari. Þessi upphlutur fylgir að öllum líkindum sparibúningnum sem um ræðir í bréfinu. Upphluturinn er blár án silfurs eða balderingum á flauelsborðunum að framan. Að aftan eru einnig tveir flauelsborðar. Innan á handvegi eru smellur að framanverðu, mögulega hefur upphlut verið smellt við skyrtuna, laga upphlutinn að eiganda. Búningurinn er eftirlíking 18. aldar búnings, en Anna kom fram í þjóðbúningum á sviði.

Aðrar upplýsingar

Safnnúmer
Safnnúmer B: 2017-16
Stærð
50 x 47 cm Lengd: 50 Breidd: 47 cm
Aðfangategund
Undirskrár
Undirskrá: Byggðasafn A-Skaftfellinga
Efnisorð / Heiti
Efnisorð: Upphlutur