Stórviðarsög
Varðveitt hjá
Byggðasafn Dalvíkurbyggðar Hvoll
Stórviðarsög var notuð til að saga stórt (fellt) tré eða trjástofn. Sögin samanstendur af fjórum spýtum, annarsvegar tveimur löngum og síðan tveimur styttri sem einnig eru með útskornum handföngum á sitthvorum endanum. Gert er ráð fyrir því að tveir vinni með slíka sög. Í miðjunni liggur síðan rifflað sagarblað sem er fest með málmfestingum í gegnum skammhliðar sagarinnar. Sögin hefur verið bætt með nýrri við í ljósari lit og hann festur með málm skrúfum (sjá nánar á meðfylgjandi myndum).
Eigandi stórviðarsagarinnar var Gunnlaugur Friðleifsson frá Karlsá. Hann var fæddur 1853 á Hóli á Uppsaströnd en dó árið 1928 í Háaskala á Uppsaströnd. Gunnlaugur er sagður hafa stundað sjósókn af mikilli elju og þótti bæði góð og mikil selaskytta, ferðagarpur og einstaklega hjálpsamur. Gunnlaugur var bæði járn- og trésmiður mikill. Hann var giftur Rósu Jónsdóttur en þau áttu saman soninn Kristinn Gunnlaug trésmið á Davík. Gunnlaugur þótti í meira lagi glettinn og gamansamur og eru varðveittar ýmsar sögur þess til sönnunar. í bókinni Saga Dalvíkur, 1. bindi má meðal annars lesa nokrar þeirra (bls. 348 - 353).
Aðrar upplýsingar
Efni
Safnnúmer
Safnnúmer B: 2013-39
Stærð
146.5 x 51 x 6.5 cm
Lengd: 146.5 Breidd: 51 Hæð: 6.5 cm
Staður
Staður: Karlsá, 621-Dalvík, Dalvíkurbyggð
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Stórviðarsög
Upprunastaður
65°59'59.3"N 18°31'42.6"W