Sædís
1938
Varðveitt hjá
Byggðasafn Vestfjarða
Haustið 1998 færði Vilmundur Reimarsson í Bolungarvík Byggðasafni Vestfjarða að gjöf eikarbátinn Sædísi ÍS 67 sem er 15 brl. Safnið hefur síðan látið vinna að endurbótum á bátnum og verður hann varðveittur á floti.
Sædís var byggð á Ísafirði árið 1938 hjá Skipabraut Ísafjarðar fyrir útgerðarfélagið Njörð. Fyrsti stjórnarformaður Njarðar var Guðmundur G. Hagalín en Ketill Guðmundsson, kaupfélagsstjóri, varð fyrsti
framkvæmdastjóri. Sædís varð fyrsti bátur félagsins, smíðuð árið 1938 eins og áður var nefnt. Ásdís var smíðuð sama ár, og árið 1940 höfðu þrjár „dísir“ bæst í flotann, Bryndís, Hjördís og Valdís. Allir voru þessir bátar teiknaðir og smíðaðir af Bárði G. Tómassyni, skipaverkfræðingi á Ísafirði. Enn síðar bættist raunar sjötta dísin við, Jódís. Sædís hefur verið nýtt við margskonar veiðiskap línuveiðar, dragnóta og reknetaveiðar, rækjuveiðar o.fl.
Þegar Sædís var smíðuð var í henni June Munktel vél, 40 – 45 hestöfl sú vél er nú glötuð. Fengin var vél að láni hjá Þjóðminjasafni Íslands en ekki hefur tekist að fá varahluti sem vantar í hana ennþá.
Aðrar upplýsingar
Bárður Guðmundur Tómasson, Hlutinn gerði
Skipabraut Ísafjarðar, Hlutinn gerði
Gefandi: Vilmundur Reimarsson
Skipabraut Ísafjarðar, Hlutinn gerði
Gefandi: Vilmundur Reimarsson
Titill
Sérheiti: Sædís
Ártal
1938
Efni
Safnnúmer
Safnnúmer A: B-7
Stærð
13.09 x 3.77 m
Lengd: 13.09 Breidd: 3.77 m
Aðfangategund
Undirskrár
Undirskrá: Bátaskrá