Jóhanna frá Dynjanda
1929
Varðveitt hjá
Byggðasafn Vestfjarða
Jóhanna ÍS 159 sem er 2,72 brl, var smíðuð í Bolungarvík árið 1929 af Fal Jakobssyni, bátasmiði frá Kvíum, fyrir (Einar) Ágúst Einarsson frá Dynjanda, og hefur báturinn alla tíð verið kenndur við þann stað. Gunnlaugur Á. Finnbogason, síðasti eigandi Jóhönnu, afhenti Byggðasafni Vestfjarða hana til varðveislu árið 1991. Jóhanna er mjög gott dæmi um trillu af minni gerðinni, eins og þær voru við Ísafjarðardjúp á þeim tíma sem Jóhanna var smíðuð. „Falsbátarnir“ svokölluðu, þóttu afbragðs sjóskip og fallegastir báta. Þeir voru léttbyggðir en verulega styrktir í smíðinni með mun þéttari, en grennri böndum, en almennt tíðkaðist.
Jóhanna var orðin mjög illa farin og var algjörlega endursmíðuð og var það Magnús Alfreðsson trésmíðameistari á Ísafirði sem tók það að sér. Lauk þeirri endursmíði árið 2013. Verður hún framvegis höfð á sjó á sumrin. Í henni er 2ja cyl SABB dieselvél.
Aðrar upplýsingar
Titill
Sérheiti: Jóhanna frá Dynjanda
Ártal
1929
Efni
Safnnúmer
Safnnúmer A: B-4
Stærð
7.9 x 2.28 m
Lengd: 7.9 Breidd: 2.28 m
Aðfangategund
Undirskrár
Undirskrá: Bátaskrá
Efnisorð / Heiti