Tóti
1930
Varðveitt hjá
Byggðasafn Vestfjarða
Vélbáturinn Tóti, ÍS 10, er 7 brl og er smíðaður í Bolungarvík árið 1930. Það var Falur Jakobsson skipasmiður frá Barðsvík á Hornströndum sem smíðaði hann fyrir Einar Guðfinnson og var Tóti jafnframt fyrsti báturinn sem Einar Guðfinnsson lét smíða fyrir sig.
Tóti var gerður út frá Bolungarvík til ársins 1947. Hann var í notkun við Djúp allt til ársins 1968 er hann var dæmdur ónýtur. Steingrímur Pétursson bóndi frá Hjöllum í Skötufirði afhenti Byggðasafni Vestfjarða bátinn árið 1987.
Tóti er smíðaður með sérstöku lagi, í bókinni Einars saga Guðfinnssonar segir Einar: „Falur miðaði gerð bátanna við aðstæður í Bolungarvík, setninginn upp og ofan í hverjum róðri. Bátarnir vóru þvi eins léttbyggðir og kostur var á. Þeir vóru byggðir úr furu, nema bönd úr eik. Þeir voru
þéttbentir, en böndin grönn. Miklir voru Falsbátar til endanna og botnmiklir, svo að þeir lyftu sér vel á báru, og botninn var lagður snemma út frá kjalsíðunum til þess að þeir flytu sem fyrst í ofansetningi.”
Núverandi ástand Tóta er mjög slæmt og ekki má dragast lengur að farið verði að huga að viðgerð hans. Hann stendur á lóð Byggðasafns Vestfjarða í Neðstakaupstað.Tóti er orðinn mjög fúinn og er að grotna niður í orðsins fyllstu merkingu þar sem eyðingaröflin vinna hratt á honum.
Aðrar upplýsingar
Titill
Sérheiti: Tóti
Ártal
1930
Efni
Safnnúmer
Safnnúmer A: B-2
Stærð
10.29 x 3.05 m
Lengd: 10.29 Breidd: 3.05 m
Aðfangategund
Undirskrár
Undirskrá: Bátaskrá
Efnisorð / Heiti