Trékassi
Varðveitt hjá
Safnahús Borgarfjarðar
Trékassi, sem notaður hefur verið til geymslu á smááhöldum eða smávöru, er 79,5 cm á lengd og 27 cm á breidd, dýpt 8,5 cm. Honum er skipt í fimm hólf og handföng eru í tveimur skilrúmum milli hólfa.
Úr eigu Þórarins Ólafssonar, f. 10/5, 1885, d.19/5, 1947, trésmiðs í Borgarnesi. Hann var frá Einifelli í Stafholtstungum, lærði trésmíði í Borgarnesi og fór síðan burt um tíma. Að fáum árum liðnum kom hann aftur, settist að í Borgarnesi og var um áratuga skeið einn helsti húsasmiður Borgnesinga á fyrra helmingi 20. aldar. Í bókinni, Hundrað ár í Borgarnesi, fær Þórarinn eftirfarandi einkunn: “Hann var afburðamaður á sínu sviði, áhlaupamaður mikill og ótrauður í hverri raun”. Gef. Tyrfingur Þórarinsson f. 27/12, 1916. Í kassanum eru núna heimasmíðaðir heflar Þórðar Jónssonar á Mófellsstöðum.
Aðrar upplýsingar
Efni
Safnnúmer
Safnnúmer A: 6033
Stærð
79.5 x 27 x 8.5 cm
Lengd: 79.5 Breidd: 27 Hæð: 8.5 cm
Staður
Núverandi sveitarfélag: Borgarbyggð, Borgarbyggð
Aðfangategund
Undirskrár
Undirskrá: Byggðasafn Borgarfjarðar
Efnisorð / Heiti
Efnisorð: Trékassi