Reykjarpípa

Varðveitt hjá

Pípa frá Páli Blöndal, lækni í Stafholtsey í Andakílshreppi. Pípan er um 68 cm þegar munnstykki er skrúfað á hana. Pípuhausinn er úr postulíni með gyllingu, þar fyrir ofan tekur við 21 cm löng holuð innan trjágrein. Munnstykki og skrúfgangar útskorið úr dökkmáluðum viði með 13 cm tauvöfðum, sveiganlegum hólk á milli. Páll Jakob Blöndal var fæddur 27. desember árið 1840 og nam læknisfræði hjá Jóni landlækni Hjaltalín. Páll starfaði sem sýslulæknir í Borgarfjarðar- og Mýrasýslum frá árinu 1868 og gegndi embætti héraðslæknis frá árinu 1876 - 1901 er honum var veitt lausn frá embætti. Um Pál er sagt: „Hann var valmenni, sem veitti hverju góðu máli lið.“ Árið 1874 keypti hann jörðina Stafholtsey í Bæjarsveit og bjó þar til ársins 1903 eða allt til dánardags.