Skautbúningur
Varðveitt hjá
Safnahús Borgarfjarðar
Skautbúningur, pils með fagurlega útsaumuðum blómabekk að neðan, svört treyja, baldéruð að framan og á ermum, kniplað brjóst, stokkabelti (11 stykki= 9 stk og beltispör) og næla, 2 slæður (slör) og silfurspöng skreytt. Eigandi var Rósa Jónsdóttir Pedersen, lítil og nett kona. Gefandi var sonardóttir hennar Ann Thorbjörn, Danmörku, faðir hennar Ernst Thorbjörn Pedersen, var sonur Rósu Jónsdóttur.
Gjöfinni fylgdi afrit af fæðingarvottorði útg. í Stafholti. Árið 1890, 29. apríl fædd og 13. maí skírð Rósa Jónsdóttir, foreldrar Jón Guðmundsson ig Sesselja Þorbjörg Jónsdóttir, þá búandi á Valbjarnarvöllum í Borgarhreppi. Ennfremur fylgdi konunglegt vígsluvottorð hennar og Rasmus Pedersen, mynd af olíumálverki af Rósu auk myndar af henni í skautbúningnum.
Þess má geta að á Héraðsskjalasafni Borgarfjarðar eru varðveitt nokkur sendibréf frá Rósu til vinkonu hennar Guðrúnar Laufeyjar Jónsdóttur, sem var kölluð Blaka og var frá Borgarnesi.
Skautbúningurinn var í stórum lúnum, gulum pappakassa. Merkimiði frá fyrirtækinu: CROME & GOLDSCHMIDT, Östergade, Köbenhavn, Telefon 9222, Giro 396. 17/9 59 612/38 indf X. Á hann er skráð Dameskræderinde Fru R. Rasmus Petersen, Sct. Kjelds Plads 4. 1 Söbeforr.
Aðrar upplýsingar
Rósa Jónsdóttir, Notandi
Safnnúmer
Safnnúmer A: 9977
Aðfangategund
Undirskrár
Undirskrá: Byggðasafn Borgarfjarðar
Efnisorð / Heiti
Efnisorð: Skautbúningur