Hækja
Varðveitt hjá
Safnahús Borgarfjarðar
9921 – hækja úr tré, smíðuð af Þórði Jónssyni á Mófellsstöðum í Skorradal - gripurinn var gefinn á safnið í júní 2014 af Bjarna Vilmundarsyni, bróðursyni Þórðar. Hækjuna smíðaði Þórður handa móður sinni, Margréti Einarsdóttur (1845-1937), 12 barna móður og húsfreyju á Mófellsstöðum. Margrét fékk krepptan fót og ekkert var hægt að hjálpa henni; þá kom hækjan sér vel. Þórður var fæddur árið 1874. Hann fæddist mikið sjónskertur og var alveg blindur frá 7 ára aldri. Þrátt fyrir þetta varð hann listasmiður.
Nánar um Þórð: hann var á ferð í Reykjavík árið 1911 og fékk þá að fara höndum um sögunarvél. Þetta var að vori til og að haustinu þegar um hægðist við bústörfin smíðaði hann slíka vél handa sjálfum sér eftir minni. Einnig smíðaði hann sér rennibekk og mikið af öðrum verkfærum. Hann smíðaði einnig margs konar verkfæri og endurbætti sláttuorfið. Ennfremur smíðaði hann, glugga, fulningahurðir, myndaramma, vagna, vagnhjól, húsgögn ofl.
Þórður var sæmdur riddarakrossi hinnar íslensku fálkaorðu árið 1954.
Aðrar upplýsingar
Efni
Safnnúmer
Safnnúmer A: 9921
Aðfangategund
Undirskrár
Undirskrá: Byggðasafn Borgarfjarðar
Efnisorð / Heiti
Efnisorð: Hækja
Heimildir
Heimildamaður: Bjarni Vilmundarson bróðursonur Þórðar, f. 1928. (júní 2014).