Hárþurrka

Varðveitt hjá

9901 – hárþurrka (Südwind). Hæð: 166 cm. Þurrkan var í eigu Guðríðar Elísabetar Níelsdóttur (10.10.1922 – 31.12.2009) sem bjó lengst af á Helgugötu 4 í Borgarnesi. Hún var kölluð Bebí af öllum sem til þekktu og vann lengst af sem talsímakona á símstöðinni í Borgarnesi, en hafði einnig numið hárgreiðslu. Guðríður Elísabet Níelsdóttir (Bebí) fæddist á Valshamri í Álftaneshreppi, Mýrasýslu 10.10. 1922. Hún lést á dvalarheimili aldraðra, Borgarnesi 31. desember 2009, 87 ára að aldri. Foreldrar hennar voru Soffía Hallgrímsdóttir, f. 21.3. 1887 á Grímsstöðum í Álftaneshreppi, Mýrasýslu, d. 3.6. 1977 í Reykjavík og Níels Guðnason, f. 8.3. 1888 á Valshamri í Álftaneshreppi í Mýrasýslu, d. 27.6. 1975 í Borgarnesi. Hún gekk í unglingaskólan í Borgarnesi en eftir það stundaði hún nám í Samvinnuskólanum í Reykjavík árin 1941-1943. Síðar var hún tvo vetur í Iðnskólanum í Borgarnesi við hárgreiðslunám. Bebí hóf störf hjá Landsíma Íslands í Borgarnesi 1943 og vann þar allan sinn starfsaldur allt til 1992. Meðfram vinnu sinni stundaði hún hárgreiðslustörf í frístundum heima við. Útför Bebíar fór fram frá Borgarneskirkju 9. janúar 2010. (Helsta heimild: mbl. 9. janúar 2010).

Aðrar upplýsingar

Gefandi: Guðni Haraldsson
Guðríður Elísabet Níelsdóttir, Notandi

Titill

Sérheiti: Hárþurrka

Safnnúmer

Safnnúmer A: 9901

Aðfangategund

Munir

Undirskrár

Undirskrá: Byggðasafn Borgarfjarðar

Efnisorð / Heiti

Efnisorð: Hárþurrka, sem atvinnutæki