Skauttreyja

1860 - 1880

Varðveitt hjá

Skauttreyjan er úr svörtu ullarklæði, klædd að innan með ljósbrúnu bómullarvaðmáli. Hún er aðskorin og nær niður í mitti. Hún er með löngum þröngum ermum og þær eru fóðraðar með röndóttu bómullarefni. Á boðungum og upp um hálsmálið er 4,5-4,8 cm breið flauelsbrydding sem er brún að lit en hefur upprunalega verið svört. Á bryddingunum er baldering með silfurþræði. Á ermalíningum sem eru bogadregnar er 8,6 cm breiður flauelskantur, einnig með baldýringu. Á axlarsaumum, á baki og í handvegum eru svartar flauelsleggingar skreytar með knipplingum úr vírþræði, samskonar og er í baldýringunni. Treyjan er krækt að framan með 17 krækjum. Lengd treyjunar að neðan og að handvegi er 19,3 cm. Lengd að neðan og að efri brún á hálsmáli er 37,5 cm. Hvít nælonblúnda í hálsmáli og framan á ermun er seinna tíma verk.