Fjall

01.01.1910 - 01.01.1912

In preservation at

Hús, torfbær, karlmenn, þrír fánar, fjallshlíð. Búðir í Fossárdal tvíbursta torfbær, nálægt Háafossi. Hús sem franski konsúllinn í upphafi tuttugustu aldar, lét gera sem rannsóknarmiðstöð árið 1911. Ljósmyndin var síðan send Páli Lýðssyni í Hlíð í Gnúpverjahreppi, og síðar eignast Lýður sonur hans myndina. Páll Lýðsson í Litlu-Sandvík í Sandvíkurhreppi lánaði myndina til eftirtöku. Frummyndin barst síðar til safnsins. Páll Lýðsson í Litlu-Sandvík skrifaði eftirfarandi um þessa mynd árið 2006: "Frönskubúðir í Þjórsárdal Jean Paul Brillouin var franskur konsúll á Íslandi frá 1909 til 1913. Hann var einnig ráðinn forstjóri Franska spítalafélagsins sem hafði umsjón með frönskum sjómönnum hér við land. Brillouin barst á og flutti hingað tilsniðið hús frá Noregi sem hann reisti inn við Rauðará. Það keypti síðan Einar skáld Benediktsson og nefndi Höfða. Brillouin hafði mörg járn í eldinum og hafði félagsskap af Einari Benediktssyni og Gesti Einarssyni. Hann lét Þorleif Guðmundsson frá Háeyri kaupa fyrir sig Þorlákshöfn þar sem Frakkar ætluðu sér að reisa hafskipahöfn. Hann keypti svo af Gesti Einarssyni öll kaup og leiguréttindi hans í Þjórsá. Brillouin konsúll tryggði sér líka námuréttindi í Þjórsárdal og hugðist láta rannsaka vikurinn þar og leita málma sem vænlegir yrðu til útflutnings. Vegna þessara áforma stofnaði hann rannsóknastöð í Fossárdal rétt fyrir neðan Háafoss. Þessi hús lét hann reisa árið 1911 og stóð þá konsúllinn í einhverju sambandi við Pál Lýðsson hreppstjóra í Hlíð. Gaf hann honum þessa mynd sem nú er einstæð og fannst í haust í fórum sonar Páls, Lýðs hreppstjóra í Hlíð. Flest þar sem Brillouin fitjaði upp á reyndist vera spilaborgir. Haustið 1912 hrökklast hann úr landi og mun aldrei hafa komið hingað aftur að vitja "fyrirtækja" sinna. Á myndinni er Brillouin lengst til vinstri en efst hefur hann skrifað "Les cabanes d´ Hávafoss- Kofarnir við Háafoss." .