Brennivínshorn
1884
In preservation at
National Museum of Iceland
Stórt drykkjarhorn / brennivínshorn. Hornið sjálft er af stórgrip, gulleitt en dekkra í mjórri endann. Hornið er silfurbúið, með silfurbeitum og loki (botni) á sverari endanum. Á mjórri endanum er silfurtappi, spísslaga, með skrúfgangi. Hann er festur við hornið með keðju. Á horninu er einnig keðja til að hengja það um öxl eða á vegg. Allt er silfrið skrautlega skorið, mynstrað með rullu og grafið. Fyrir miðju horni er sporöskjulaga silfurskjöldur og á hann grafið: F R Magnússon 1884. Það er að öllum líkindum Finnbogi Rútur Magnússon (f. 1858, d. 1890), prestur á Kirkjubólsþingi við Djúp, í Otradalssókn og á Húsavík. Á botni hornsins er smiðsstimpillinn S.SUMARLIDASON. Það er stimpill Sumarliða Sumarliðasonar (f. 1833, d. 1926) silfursmiðs á Ísafirði, í Vigur og í Æðey. Hann fluttist síðar til Vesturheims og stundaði þar iðn sína. Hornið og silfursmíðin öll eru mjög vönduð og í mjög góðu ástandi.
Væntanlega hefur hornið verið eitt það síðasta sem Sumarliði gullsmiður vann hérlendis, því hann sigldi til Ameríku í byrjun september 1884, sama ár og hornið er smíðað. Finnbogi Rútur útskrifaðist sem prestur 1882 og vígðist sama ár til Kirkjubólsþings. Hann gifti sig 1883 og fékk Otradal 1884. Það hefur eflaust verið fagnaðarefni því þá voru þau hjón komin í faðm fjölskyldna sinna á Suðurfjörðum. Mögulega hefur honum verið fært hornið af því tilefni.
Minjar og saga, vinafélag Þjóðminjasafns Íslands, færði safninu hornið að gjöf í tilefni af 150 ára afmæli þess. Formaður félagsins, Sverrir Kristinsson, afhenti hornið fyrir hönd félagsins.
Main information
Dating
1884
Material
Object-related numbers
"Museumnumber b": 2013-3
Dimensions
49 x 0 cm
Lengd: 49 cm
Record type
Collection
Undirskrá: Munasafn
Keywords