Baðstofuklettar

In preservation at

Baðstofuklettar eru svartar klappir/sker í fjörunni. Þeir eru grasi vaxnir að hluta en þari er aðalgróðurinn. Klettarnir eru mjög óreglulegir að stærð og lögun en ná um 1 m upp yfir sjávarmál í fjöru. Klappirnar eru mjög jarðvegssnauðar og erfitt að sjá fyrir sér að á þeim hafi verið mannvirki. Engar minjar þess sjást. Klettarnir gætu hafa verið stærri eitt sinn en brimið hafi brotið úr þeim. „Nokkru fyrir vestan Stálið, austan megin við innra skipalægið á Stokkseyrarhöfn, er klöpp eða klappir, í fjörunni, sem heita Baðstofuklettar. Er sagt, að þar hafi bærinn Stokkseyri [1] staðið fyrrum, en verið fluttur undan sjó þangað sem hann er nú, og hafi baðstofutóft hins gamla bæjar lengst sést á Baðstofuklettum, er jarðvegurinn var að smábrotna undan rústinni. En það var lengi venja, að baðstofa var öftust húsa á hverjum bæ; og hafi hinn gamli bær snúið að sjó, þá hefir baðstofan verið fjærst sjó af bæjarhúsunum; svo þetta er að því leyti sennilegt. Lengi hefir bærinn þó staðið þar, sem hann er nú, því þá er þar var grafið fyrir kjallara, fyrir fám árum, komu menn niður á ýmsar hleðslur, er sumar lágu svo neðarlega að jafnlágt mundi nú flæðarmáli að hálf-föllnum sjó.“ (BJ:9). Baðstofuklettar eru í fjörunni um 300 m SA af Hólmaröst og um 200 m suður af Stokkseyrarkirkju [2]. Brimgarðurinn er um 400 m suður af klettunum út á sjó, Brimvarnargarðurinn er um 50 m vestan við klettana. Baðstofuklettarnir eru umluktir sjó. GPS-punkturinn er tekinn neðst í fjörunni, norður af klettunum. Mögulegt er að ganga út á klettana vestan frá, á fjöru, en þar er landbrú frá brimvarnargarðinum. Brú þessi er um 20 m löng.

Main information

Source: Grétar Zophoníasson

Title

Proper noun: Baðstofuklettar

Object-related numbers

"Museumnumber b": 165571-62

Place

Staður: Stokkseyri, Sveitarfélagið Árborg

Record type

Archaeology Remain

References

Brynjúlfur Jónsson. 1905. „Rannsókn í Árnesþingi sumarið 1904.“ Árbók hins íslenzka forleifafélags.

Place of origin

63°50'12.3"N 21°3'47.5"W