Archaeology Remain

In preservation at

Hleðsluhæð er mjög mikil í tóftum þessum en mest er hún um 2,5 m. Hleðslusteinar sjást mjög vel og eru víða mosavaxnir, strávöxtur er sömuleiðis mikill á hleðslunum og með því sker gróður hleðslanna sig frá gróðrinum í kring. Hleðslan hefur að hluta til verið lagfærð með steypu. Tóftin samanstendur af tveimur rýmum, hlöðu og fjárhúsi. Hlaðan var í vestara rýminu en það er dýpra. Hlaðan hefur hleðsluhæðina 2,5 m og er innanmálið um 4,5 m á breidd og 6 m á lengdina. Milli rýma er svo rétt rúmlega metersþykkur veggur, en hleðsluhæð eystra rýmisins er um 1,5 m. Innanmál rýmisins er 5 m á breidd og um 6 m á lengdina. Úr austasta veggnum liggur mjög lár veggur úr SV horni veggsins og áfram í ská í SV í um 2,5 m, og sá veggur var um hálfur m á breidd. Hleðsluhæðin var vel undir hálfum metra. Austurveggur tóftarinnar er lang breiðastur en hann er um 4 m á breidd, norðurveggurinn- langveggurinn er tæpir 3 m á breidd og vesturveggurinn 2 m. Suðurvegginn virðist vanta á tóftina, en óvíst er hvort sá veggur hafi verið hlaðinn úr grjóti eða byggður úr timbri, eða hvort þar hafi yfirleitt verið veggur. Óregluleg steinahrúga er vestan við vesturvegg tóftarinnar og ekki gott að segja hvort þar hafi eitthvert smáhýsi staðið. Frá SV horni vesturveggsins kemur hleðsla sem liggur eins og í boga áfram í vesturátt. Bogi þessi er allt frá því að vera metersþykkur í að vera rúmir 2 m að þykkt. Nyrsti endi bogans liggur þétt við steinahrúguna sem er norðan við. Boginn er um 12 m á lengd. Hleðsluhæðin er undir hálfum metra. Tóftir sem eru á lóðinni eru leifar af niðurgrafinni hlöðu og fjárhúsi. (Steingrímur Jónsson) Leifar útihúsanna eru þétt við norðurhlið íbúðarhússins (Símonarhúss), á norðanverðum bæjarhólnum [1], og eru minjarnar mjög greinilegar í umhverfinu.

Main information

Source: Steingrímur Jónsson

Object-related numbers

"Museumnumber b": 182322-2

Dimensions

Lengd: 16 m Breidd: 9 m

Record type

Archaeology Remain

References

Árni Magnússon og Páll Vídalín. 1921. Jarðabók Árna Magnússonar og Páls Vídalíns. II. bindi. Hið íslenska fræðafjelag, Kaupmannahöfn. Sögufélagið, Reykjavík: Ljósprentuð útgáfa 1981. Fasteignabók. 1932. Fjármálaráðuneytið, Reykjavík. Guðni Jónsson. 1952. Bólstaðir og búendur í Stokkseyrarhreppi. Stokkseyringafélagið í Reykjavík, Reykjavík. Halldór Gestsson og Páll Lýðsson. Ábúendatal Árnessýslu frá 1703 til ca. 2000. Handrit í eigu höfunda. Johnsen, J. 1847. Jarðatal á Íslandi. J. Johnsen, Kaupmannahöfn. Manntal á Íslandi árið 1703. 1924-1947. Tekið að tilhlutan Árna Magnússonar og Páls Vídalín. Hagstofa Íslands, Reykjavík. Manntal á Íslandi 1801. Suðuramt. 1978. Ættfræðifélagið, Reykjavík. Manntal á Íslandi 1816. 1947-1974. Ættfræðifélagið, Akureyri og Reykjavík. Manntal á Íslandi 1845. Suðuramt. 1982. Bjarni Vilhjálmsson sá um útgáfuna. Ættfræðifélagið, Reykjavík. Manntal á Íslandi 1910. III Árnessýsla. 1997. Hólmfríður Gísladóttir og Eggert Th. Kjartansson sáu um útgáfuna. Ættfræðifélagið, Reykjavík. Sunnlenskar byggðir II. Flóinn. 1981. Ritnefnd: Oddgeir Guðjónsson, Jón Guðmundsson og Júlíus Jónsson. Páll Lýðsson bjó til prentunar. Búnaðarsamband Suðurlands, (án útgáfust.). Túnakort [1920]. Símonarhús. Stokkseyrarhreppur, Árnessýsla. Þjóðskjalasafn Íslands. Vigfús Guðmundsson. 1945. Saga Eyrarbakka. Fyrra bindi, fyrra hefti. Víkingsútgáfan, Reykjavík. Vigfús Guðmundsson. 1949. Saga Eyrarbakka. Síðara bindi, fyrra hefti. Víkingsútgáfan, Reykjavík. Þorvaldur Thoroddsen. 1899 og 1905. Landskjálftar á Íslandi. Hið íslenzka bókmentafélag, Kaupmannahöfn.