Archaeology Remain

In preservation at

Engar öruggar minjar um fjárhús Roðgúls eru sjáanlegar á yfirborði í dag. Garður sá sem lýst var hér að ofan er ekki víst að hafi tilheyrt fjárhúsinu en það telst eingöngu til getgátna. Garður þessi er sem áður segir um 1 m á hæð og um 7 m langur. Hann liggur í SV átt frá SA horni Roðgúls og hefur hann sennilega sveigt til norðvesturs en þar liggja nokkrir steinar sem vel gætu hafa tilheyrt hleðslu, þeir liggja á um 7 m kafla. Á þessu svæði má vel vera að fjárhúsið hafi staðið, en samkvæmt heimildamanni stóð fjárhús vestan við bæjarhúsið og áfast því, og er þetta svæði það eina sem passar þeim upplýsingum. Erfitt er að greina nánar svæðið sökum mikils gróðurs, sem einkennist helst af hvönn. Á ljósmynd sem birtist í bókinni Bólstaðir og búendur í Stokkseyrarhreppi má sjá útihús, sennilega fjárhús sem hefur verið SV við gafl hússins Roðgúls. (Guðni Jónsson 1952:327) Það gæti hafa verið fast við íbúðarhúsið sem áður stóð í Roðgúl, en húsið sem þar stendur í dag var byggt árið 1926. Úr SA horni hússins og þaðan í SV liggur garður sem er um 1 m á hæð og um 7 m langur. Hann stendur vel og á honum, u.þ.b. 2 m frá húsi, er lítið skarð, um 0,5 m breitt, en í því eru fjögur þrep sem ganga upp. Líkur leiða að því að veggur þessi hafi að hluta til tilheyrt gamla húsinu á Roðgúl og að hluta til fjárhúsi Roðgúls. Syðri hluti hleðslunnar, sunnan við þrepin, gætu hafa tilheyrt fjárhúsinu.

Main information

Source: Steingrímur Jónsson

Object-related numbers

"Museumnumber b": 182321-2

Place

Staður: Roðgúll, Sveitarfélagið Árborg

Record type

Archaeology Remain

References

Guðni Jónsson. 1952. Bólstaðir og búendur í Stokkseyrarhreppi. Stokkseyringafélagið í Reykjavík, Reykjavík.