Bikar, sem íþróttaverðlaun

In preservation at

Verðlaunabikar, glímubikar Mýrasýslu 1929. ,,Tveggja turna silfur" danskt, stimpill ATLA. Fyrsta sýsluglíma Mýrasýslu var háð í Borgarnesi 24. febrúar 1929. Þátttakendur voru 8 víðsvegar að úr héraðinu. Keppt var um silfurbikar, sem Árni Helgason í Borgarnesi gaf til keppninnar, en hann var mikill áhugamaður um framgang íslensku glímunnar. Nokkrir áhugamenn í Borgarnesi gáfu silfurskjöld í verðlaun, sem veita átti þeim, sem fegursta og besta glímu sýndi og vildu á þann hátt stuðla að fagurri og drengilegri glímu. Báðir þessir verðlaunagripir áttu að vinnast til eignar þrisvar sinnum í röð. Úrslit þessarar fyrstu glímu urðu þau, að Kjartan Bergmann Guðjónsson frá Flóðatanga vann báða verðlaunagripina, þá aðeins 17 ára gamall, og lagði alla keppinauta sína. Næstur honum að vinningum varð Láus Salómonsson, síðar glímukappi Íslands, og þriðji í röðinni Ólafur Sigurðsson úr Borgarnesi, sem kenndur var við Klett, afburða hraustmenni. Fjórði og fimmti urðu Sigurður Guðsteinsson og Viggó Jónsson. Sigurður Hallgrímsson varð sjötti, og sjöundi og áttundi Sigurður Sveinsson og Albert Sigurvinsson. Gef. 1980, Kjartan Bergmann Guðjónsson frá Flóðatanga, starfsm. Alþingis, bús. í Reykjavík.

Main information

Donor: Kjartan Bergmann Guðjónsson

Object-related numbers

Museumnumber a: 2130-B

Record type

Artifact

Collection

Undirskrá: Byggðasafn Borgarfjarðar

Keywords

Keyword: Bikar, sem íþróttaverðlaun