Selskapspontan

1900 - 1950

In preservation at

Guðlaugur Gíslason stýrimaður frá Steinstúni færði safninu að gjöf þessa litlu tóbakspontu sem er úr hvaltönn og silfri. Pontuna fékk hann að gjöf árið 1963 frá vini sínum og skipsfélaga Sigurði Þorsteinssyni bátsmann á strandferðaskipinu Skjaldbreið. Á því skipi voru þeir samskipa lengi, Guðlaugur sem stýrimaður en Sigurður sem bátsmaður. Sigurður var ættaður frá Kirkjubæ á Rangárvöllum og var í eina tíð Íslandsmeistari í glímu enda var maðurinn stór og mikill að vexti. Ekki vissi Guðlaugur hver hefði smíðað pontuna sem er listasmíð en sagði að innihald hennar hefði vart dugað upp í aðra nösina á Sigurði enda kallaði Sigurður hana ætíð selskapspontuna.