Trafaaskja

1870 - 1890

In preservation at

Tínan, trafaaskjan er norsk, sporöskjulöguð og frekar stór. Rauðmáluð, með mynstri máluðu með svartri, gulri, gænni og hvítri málningu. Hliðar gerðar úr sveigðri furuþynnu sem fest er saman á baki með saumuðum tágum. Lokið skorðast milli tveggja oka í bugðum við báða enda. Í endum loksins eru klaufir sem okarnir falla inn í og skorða þannig lokið fast. Annan okinn vantar. Hinn er festur með trépinna sem gengur í gegnum allan okinn og hliðina og stendur út 0,5 cm hvoru megin. Svona tínur voru algengar hér á landi á 19. öld. Þær voru erlendar og fengust í verslunum hér. Botninn í tínunni er laus. Úr búi Sigurjóns Erlendssonar (22.11.1889 - 18.9.1978) og Ólafar Jónsdóttur (14.11.1892 - 2.4.1982) á Álftárósi. Sigurjón var síðustu áratugina sjúklingur og dvaldi á Vífilsstöðum og á Reykjalundi. Ólöf stýrði þá búinu með aðstoð fóstursona sinna, Axels og Halldórs Thorsteinson. Sigurjón og Ólöf eignuðust eina telpu sem lést við fæðingu 12.5.1929. Arndís Erlendsdóttir, Guðrún Guðmundsdóttir, Halldór Thorsteinsson og Ólöf Jónsdóttir afhentu safninu, í maí 1980.