Go Back To Search
Do you know more?

Teikning, listræn

1850 - 1890
In preservation at
National Museum of Iceland
Teikning eftir Sölva Helgason, hinn þekkta umferðarmann ("flæking"), f. 1820, d. 1895. Myndin er af blómum / blómfléttum og er gerð á ljósan pappír sem er límdur á pappaspjald. Blómin eru lituð í gulum, rauðum og grænum lit, væntanlega vatnslit sem Sölvi hefur útbúið sjálfur. Sjá má að pappírinn hefur einhvern tíma verið brotinn í fernt en hefur þó ekki skemmst mikið vegna þess. Aðeins hefur rifnað úr pappírnum á hornum og á einum stað með brún, ofarlega á myndinni. Litirnir í myndinni eru fremur daufir og virðast hafa upplitast, sé miðað við hina sterku liti sem eru í mörgum mynda Sölva. Kom ásamt öðrum myndum eftir Sölva nr. 1989-136. Myndirnar eru alls sjö, sumar hverjar samsettar úr fleiri en einni mynd. Mest eru þetta blómamyndir og myndir af jurtavafningum en einnig upphafsstafir og nöfn. Þessar myndir voru í eigu Halldóru Bjarnadóttur, ritstjóra Hlínar á Akureyri (f. 14.10.1873, d. 28.11.1981) og hún gaf þær safninu 25.2.1956, tók þær svo aftur árið 1973 og kvaðst aldrei hafa gefið en afhenti þær síðan Stefáni Jónssyni arkitekt, víst að gjöf. Sonur hans, Stefán Örn Stefánsson arkitekt, gaf svo safninu teikningarnar 18.5.1989. Sjá önnur verk eftir Sölva Helgason hér í safninu nr. 7990, 8431, 8839, 10441, Á 167 og Á 171 - 176.

Main information

Dating
1850 - 1890
Material
Object-related numbers
"Museumnumber b": 1989-136-6
Dimensions
34 x 42.1 cm Lengd: 34 Breidd: 42.1 cm
Record type
Collection
Undirskrá: Munasafn
Keywords