Go Back To Search
Do you know more?

Teikning, listræn

1860
In preservation at
National Museum of Iceland
Teikning eftir Sölva Helgason, hinn þekkta umferðarmann ("flæking"), f. 1820, d. 1895. Um er að ræða fimm mismunandi verk sem unnin eru á pappírsarkir sem allar eru svo límdar saman á eitt pappaspjald. Myndirnar eru þó lítillega tengdar saman í teikningu. Á efri hluta spjaldsins eru þrjú verk. Lengst til vinstri er verk með ýmsum upphafsstöfum orða og / eða nafna auk ártalsins 1860 sem skrifað er með hefðbundnum skrautstöfum Sölva. Á milli þeirra standa þessar línur: Maðurinn Ljóshærði og Lundþjíði Sveinn! S: [S merkir Sölvi] 1860 á Hrafanda Melanchthon Schúlwa Heiðurlegur Íngismaður:_ Merkismaðurinn minn: Markólfur Thaddeus: Á Ljósshóli, í rjíkji Hugmindanna eiljífa: Guðdómsins! _ _ Schülwa Stafirnir eru gerðir með svörtu bleki en fylltir með grænum lit. Í miðið á efri hluta spjaldsins er mynd af blómfléttu í grænum, rauðum og fjólubláum litum. Þessi mynd tengist bæði myndunum sem eru fyrir neðan og þeirri sem er lengst til hægri að ofan. Sú mynd sýnir blóm í fjólubláum, bláum og grænum litum. Þetta er spegilmynd og skiptist lárétt um miðju. Á neðri helmingi spjaldsins er vinstra megin mynd af blómafléttu í grænum litum. Hægra megin er svo mynd sem snýr á hlið. Hún er af blómafléttu í fjólubláum og grænum litum og með brúninni eru svo skrautstafir sem liggja lárétt niður með brúninni. Stafirnir eru litaðir rauðir og grænir. Þetta gætu átt að vera upphafsstafir nafns Sölva og að líkindum viðurnefna sem hann hefur gefið sér: S I G M A V K K I Litirnir eru líklega vatnslitir sem Sölvi hefur útbúið sjálfur. Myndin er í góðu ástandi og litirnir skærir og lítið upplitaðir. Myndin í miðið að ofanverðu hefur þó rifnað svolítið að neðan en þó límd á spjaldið svo ekkert vantar í myndirnar. Kom ásamt öðrum myndum eftir Sölva nr. 1989-136. Myndirnar eru alls sjö, sumar hverjar samsettar úr fleiri en einni mynd. Mest eru þetta blómamyndir og myndir af jurtavafningum en einnig upphafsstafir og nöfn. Þessar myndir voru í eigu Halldóru Bjarnadóttur, ritstjóra Hlínar á Akureyri (f. 14.10.1873, d. 28.11.1981) og hún gaf þær safninu 25.2.1956, tók þær svo aftur árið 1973 og kvaðst aldrei hafa gefið en afhenti þær síðan Stefáni Jónssyni arkitekt, víst að gjöf. Sonur hans, Stefán Örn Stefánsson arkitekt, gaf svo safninu teikningarnar 18.5.1989. Sjá önnur verk eftir Sölva Helgason hér í safninu nr. 7990, 8431, 8839, 10441, Á 167 og Á 171 - 176.

Main information

Dating
1860
Material
Object-related numbers
"Museumnumber b": 1989-136-1
Dimensions
68.2 x 78.9 cm Lengd: 68.2 Breidd: 78.9 cm
Record type
Collection
Undirskrá: Munasafn
Keywords
Keyword: Teikning, listræn
Depiction: Texti
Depiction: Blóm, sem skraut
Depiction: Blómaflétta
Depiction: Upphafsstafir