Order a photo Terms of Use

Gestabók

1953

In preservation at

District Cultural Center

Útskorin gestabók er Jóhann Björnsson útskurðarmeistari gerði og gefin var Þórhalli Sigtryggssyni f.v. kaupfélagsstjóra er hann hætti störfum 1954. Á kápu bókarinnar er fullt nafn Þórhalls skorið út fyrir ofan mynd af æskuheimili hans Árholti sem byggt var 1891 og stendur enn. Fyrir neðan stendur: Kveðjur og þakkir frá starfsfólki K.Þ. 1953. Á baki bókarinnar er útskorin mynd af Kaupfélagshúsinu og orðin Kaupfélag Þingeyinga fyrir neðan það. Innaná fremri kápu er útskorin mynd af Söludeild K.Þ. (sem er nú veitingastaðurinn Salka 2025) og við hlið hennar húsið Jaðar. Í neðanverðu hægra horninu hefur útskurðarmeistarinn Jóhann skorið nafn sitt. Systkinabörnin Kristbjörg Jónasdóttir og Þórdís Ósk Sigtryggsdóttir færðu safninu þennan mun úr búi afa síns Þórhalls Sigtryggssonar. Viðarhluti bókarinnar er í mjög góðu ástandi en blaðsíður aðeins rifnar og sumar lausar.