Go Back To Search
Do you know more?

Jakki

1940
In preservation at
National Museum of Iceland
Kremlitaður jakki með kraga, axlarstykkið er dökkblátt að lit. Teygjur eru við mjaðmir og jakkinn rykktur að neðan. Ermafaldar eru einnig rykktir, ísaumaður blámálaður viðarhnappur lokar klauf á sitt hvorri erminni. Tveir miðar eru í hálsmáli jakkans. Sá fremri er hvítur á lit og minni að gerð. Hann er merktur stærðinni "44" í rauðum stöfum. Aftari miðinn er gráleitur og merktur með hvítum og rauðum stöfum. Á honum stendur efst "Cravenette", fjögurra stafa ógreinilegt orð í hástöfum er við hliðina á, líklega "REGS". Fyrir neðan stendur "SHOWERPROOF for SPORTSWEAR". Jakkinn er renndur upp með silfurlituðum rennilás, auk þess er brjóstvasa lokað með samskonar rennilás. Í brjóstvasanum er íslensk mynt, 1 eyrir frá 1942. Jakkinn er enskur og fremur smágerður, að líkindum kvenjakki. Lengd jakkans, mæld frá hálsmáli, er 47 cm. Breidd hans er 38 cm. Lengd erma, mæld frá handvegi, er 43 cm. Á jakkanum eru fjölmargar undirskriftir fólks, ritaðar með bláu bleki. Áritanirnar eru á bakstykki, framstykki og á kraganum en ermar og axlarstykki eru ekki árituð. Ofarlega fyrir miðju á bakinu er áritað með stærri stöfum leiðarlýsingin "København - Stokholm - Happeranda - Petsamo" og fyrir neðan "Island." Um er að ræða undirskriftir fjölda fólks sem var um borð í strandferðaskipinu Esju í svonefndi Petsamoferð sem farin var árið 1940. Esja sigldi til Petsamo, sem var þá í Norður-Finnlandi, til þess að sækja 258 Íslendinga sem höfðu orðið innlyksa í Evrópu á tímum síðari heimsstyrjaldarinnar. Eftir miklar viðræður höfðu íslensk stjórnvöld fengið leyfi breskra og þýskra yfirvalda til að sækja Íslendinga á Norðurlöndum sem vildu komast heim, en Þjóðverjar höfðu hernumið Danmörku og Noreg í apríl sama ár. Í kjölfar hernáms Danmerkur var utanríkisþjónustan stofnuð hérlendis og má því segja að um eldskírn hennar hafi verið að ræða, en þetta var fyrsta stóra borgaraþjónustuverkefnið sem hún tók að sér. Þann 20. september 1940 hélt Esja loks af stað frá Reykjavík ásamt 33 áhafnarmeðlimum. Gekk ferðin vel allt þar til þýskar herflugvélar hófu að sveima í kringum skipið. Skutu þær úr vélbyssum fyrir framan skipið og skipuðu áhöfninni loks að sigla Esju til Þrándheims, þar sem skipið var hertekið. Eftir fjögurra daga kyrrsetningu skipsins hélt það að lokum aftur af stað. Um var að ræða mikla hættuför enda þurfti bæði að varast tundurdufl og flugvélar sem gætu hæft skipið fyrir mistök. Fólk kom víða að og safnaðist saman í hópa sem leiddir voru af fyrirfram ákveðnum fararstjórum, þeim H. J. Hólmjárn forstjóra og Finni Jónssyni alþingismanni. Leiðin var löng og tók ferðalagið sinn tíma. Hópurinn sem hélt af stað frá Kaupmannahöfn taldi rúmlega tvö hundruð konur, karla og börn. Lagði hópurinn af stað 25. september með bát frá Kaupmannahöfn til Málmeyjar í Svíþjóð. Þaðan tók fólkið lest til Stokkhólms en þegar þangað var komið bárust fréttir af kyrrsetningu Esju og var því ákveðið að hinkra þar þangað til frekari fréttir bærust. Var því dvalið í viku í Stokkhólmi. Í Stokkhólmi bættist fólk í hópinn sem kom víðs vegar að frá Svíþjóð og Noregi. Þann 29. september barst skeyti með þeim upplýsingum að Esjan væri laus úr haldi og myndi halda áfram för sinni. Áætlað var að Esjan myndi koma að Petsamo þann 1. október, en þar sem ekki var unnt að tryggja skaranum gistingu þar, ef seinkun yrði á komu skipsins, lögðu ferðalangarnir því af stað þann 2. október með lest til Haparanda á landamærum Finnlands og áfram að endastöð járnbrautarlestarinnar í Rovaniemi. Þar bættist síðasti ferðalangurinn í hópinn. Farið var með langferðabílum síðasta spölinn, þá rúmu 500 kílómetra sem eftir voru ferðarinnar, milli Rovaniemi og Petsamo. Var fólk því afar fegið að sjá Esjuna liggja við höfn í Petsamo, þó síðasti hluti ferðarinnar væri enn eftir. 5. október var loks lagt af stað frá Petsamo. Þrátt fyrir sjóveiki sumra var góður andi í hópnum. Tóku farþegarnir sér ýmislegt fyrir hendur til þess að stytta sér stundir, haldnar voru kvöldvökur, stofnaður sönghópur, gefið út blað og töfrabrögð sýnd - enda alls kyns kúnstugir einstaklingar með í för sem tóku að sér að halda uppi gleðskapnum. Þröngt hefur verið á þingi, en einungis voru um 120 kojur í skipinu. Á heimleiðinni þurfti skipið að taka krók til Kirkwall á Orkneyjum, sökum eftirlits Breta sem átti að fara þar fram. Þar voru þó einungis vegabréf farþeganna skoðuð. Esja kom að höfn í Reykjavík þann 15. október 1940. Farþegarnir fengu þó ekki að fara frá borði strax því Bretar vildu yfirheyra alla sem voru um borð áður en þeir fengju að fara í land, þar sem það hafði ekki verið gert í Kirkwall. Nokkrum dögum síðar höfðu flestallir fengið að fara frá borði, nema þeir sem Bretum þóttu grunsamlegir fyrir einhverra hluta sakir. Þrír þeirra voru að lokum fluttir til Bretlands og fangelsaðir þar, þeir Bjarni Jónsson læknir og sjómennirnir Ragnar Karlsson og Hafsteinn Axelsson. Sjómönnunum tveimur var að lokum sleppt þann 21. desember, en Bjarna 1. janúar 1941. Eini flugumaður Þjóðverja sem vitað er til að hafi verið með í för, Gunnar Guðmundsson, fékk þó að fara í land óáreittur, en við stríðslok var hann dæmdur fyrir njósnir í Danmörku. Jakkinn var í eigu Franch Michelsen (f. 1913, d. 2009) úrsmiðs, en hann var um borð í Esju í Petsamoförinni. Sonur hans, Frank Úlfar Michelsen afhenti safninu jakkann fyrir hönd fjölskyldunnar. Sú saga fylgir jakkanum að ónefnd kona um borð hafi átt jakkann og fengið samferðafólk sitt til þess að rita nöfn sín á hann. Farþegarnir munu hafa skrifað nöfn sín á jakkann um borð í Esju. Óvíst er hvernig jakkinn rataði í eigu Franch og ekki er vitað hvaða konu um ræðir. Ýmis skjöl tengd Petsamoferðinni fylgdu jakkanum, svo sem söngbók og sendibréf. Skjölin voru afhent Þjóðskjalasafni Íslands til varðveislu. Fleiri dæmi eru um að fólk hafi safnað undirskriftum samferðafólks síns á Esju í þessari háskaför, svo sem í bækur og á dúka. Jakkinn sjálfur er í góðu ásigkomulagi en blekið er víða tekið að dofna. Er því erfitt að greina allar undirskriftirnar en þó er ljóst að þær eru ritaðar með mismunandi höndum. Stuðst var við lista yfir farþega og áhafnarmeðlimi sem Davíð Logi Sigurðsson birti í bók sinni Þegar heimurinn lokaðist. Ekki eru öll nöfnin á listanum á jakkanum en jafnframt má greina undirskriftir á jakkanum sem ekki eru í bókinni. Að auki var stuðst við ljósrit af minnisblokk sem innihélt undirskriftir fólks úr förinni, en ljósritið fylgdi jakkanum og var einnig í eigu Franchs. Undirskriftirnar í ljósritinu eru þó töluvert færri en þær sem eru á jakkanum sjálfum, en komu til góðra nota þegar undirskriftir á jakkanum voru illgreinanlegar. Samtals eru undirskriftirnar sem enn má greina 213 talsins; 14 þeirra eru á kraganum, 95 á framhlið og 104 á bakhlið. Hér að neðan er greint frá undirskriftunum líkt og þær eruru ritaðar á jakkann og frekari upplýsingum um einstaklinginn ef unnt var að finna þær. Undirskriftir á kraga Ásg. Sigurðsson skipstjóri (Ásgeir Sigurðsson (skrifar tvisvar á jakkann), f. 1894, d. 1961) Áhöfn Ben. Árnason (Benedikt E. Árnason, f. 1913, d. 1984) Danmörk Edith Guðmundsson (Edith Valborg Guðmundsson Black, f. 1911, d. 1968) Danmörk Eggert Guðmundsson (Eggert F. Guðmundsson, f. 1906, d. 1983) Danmörk Inger Margrethe Halldórsson (Inger Margrethe Erichsen Halldórsson, f. 1908, d. 1987) Danmörk Ingibjörg Sigurðardóttir (f. ?, d. ?) Svíþjóð Jón E. Jónsson (Jón Einar Jónsson frá Danmörku, f. 1901, d. 1961) eða (Jón Elías Jónsson áhafnarmeðlimur, f. 1912, d. 1942), báðir skrifa undir en óvíst hvor á hvaða undirskrift Jón Eðvaldsson (f. 1892, d. 1974) Svíþjóð Lárus Scheving (Lárus Scheving Jónsson, f. 1912, d. 1993) Danmörk Sig. Pjetursson skipstjóri m/s Gullfossi (Sigurður Pétursson, f. 1880, d. 1956) Danmörk Sigurgeir Guðnason (f. 1896, d. 1977) Danmörk […] Andrésson (Else Margrethe Andrésson Jensen, f. 1899, d. 1952) eða (Pétur Magnús Andrésson, f. 1933, d. 2005) Danmörk […] Kjartansson (líklega Hertha Kjartansson Schultz, f. 1910, d. 1982) Danmörk Ógreinileg undirskrift Undirskriftir á framhlið Aðalsteinn Björnsson I vjelstjóri m/s Esjan (Aðalsteinn Björnsson, f. 1896, d. 1971) Áhöfn Amy (Amelie Engilberts, f. 1934, d. 2007) Danmörk Arnar Jónsson (Arnar Örlygur Jónsson, f. 1914, d. 2008) Danmörk Auður Bjarnadóttir (f. 1912, d. 1998) Áhöfn Á. Garibaldason (Ásgrímur Garibaldason, f. 1901, d. 1985) Svíþjóð Árni Jónsson (f. 1914, d. 2008) Danmörk Baldvin Guðmundsson (líklega Jón Baldvin Guðmundsson, f. 1914, d. 1959), Danmörk Baldvin Kristins (Baldvin Marinó Kristinsson, f. 1917, d. 1993) Danmörk Birgitta (Birgitta Engilberts, f. 1934, d. 2009) Danmörk Bjarni Jónsson (stýrimaður á Gullfossi, f. 1889, d. 1974) eða (læknir, f. 1909, d. 1999) Danmörk Bragi Agnarsson (Aðalsteinn Bragi Agnarsson, f. 1915, d. 1999) Áhöfn Broddi Jóhannesson (f. 1916, d. 1994) Danmörk Davíð Gíslason (f. 1891, d. 1945) Danmörk E. Guðnason (Eggert Guðnason, f. 1914, d. 1993) Áhöfn Erasmus Erasmusson (f. 1889, d. 1942) Danmörk Finnur Jónsson (f. 1894, d. 1951) Svíþjóð Fr. Halldórsson (Friðrik Halldórsson, f. 1907, d. 1944) Áhöfn Friðgeir Grímsson (f. 1909, d. 2005) Danmörk Friðgeir Ingimundarson (f. 1915, d. 2011) Svíþjóð Friðrik Óskar Jónsson (f. 1914, d. 1991 - óstaðfest að hann hafi verið um borð) Fritz Kjartansson (f. 1907, d. 1951) Danmörk Gerður Gunnars. (Gerður Gunnarsdóttir, f. 1917, d. 1961) Danmörk Gísli Halldórsson (f. 1914, d. 2012) Danmörk Grétar Símonarson (f. 1920, d. 2004) Danmörk Grímur Þorkelsson (f. 1895, d. 1968) Áhöfn Guðm. Jónasson (Guðmundur Jónasson, f. 1918, d. 2016) Danmörk Guðni J. Guðbjartsson IV. Vélstjóri (Guðni J. Guðbjartsson, f. 1916, d. 2004) Áhöfn Guðný Jónsd. (Guðný Jónsdóttir, f. 1915, d. 1997) Danmörk Guðrún Hólm (Guðrún Hólm Sigurgarðsdóttir, f. 1910, d. 1986) Danmörk Guðrún Jónsdóttir (f. 1915, d. 1998) Danmörk Gunnlaugur B[…] (Gunnlaugur P. Blöndal, f. 1893, d. 1962) Danmörk Halldór E[…]sson (Halldór Erlendsson, f. 1919, d. 1975) Danmörk Harry Fredriksen (f. 1913, d. 1975) Danmörk Hilmir Ásgrímsson (f. 1920, d. 2009) Svíþjóð Ingibergur Jónasson (f. 1912, d. 1978) Danmörk Ingólfur Jónsson (f. 1921, d. 1941) Danmörk Jón E. Jónsson (Jón Einar Jónsson frá Danmörku, f. 1901, d. 1961) eða (Jón Elías Jónsson áhafnarmeðlimur, f. 1912, d. 1942), báðir skrifa undir en óvíst hvor á hvaða undirskrift Jón Engilberts (f. 1908, d. 1972) Danmörk Jón Guðmundsson (Balbo) (líklega Jón Ísfeld Guðmundsson, f. 1909, d. 1992) Danmörk Jónína Guðmundsdóttir (Jónína S. Guðmundsdóttir, f. 1916, d. 2006) Noregur Jósep Gíslason (Jósef Gíslason, f. 1886, d. 1961) Danmörk Jörundur P[…] (Jörundur Pálsson, f. 1913, d. 1993) Danmörk Kári Gunnarsson (f. 1921, d. 1995) Danmörk Klemens Tryggvason (f. 1914, d. 1997) Danmörk Kristjana Jónsdóttir (f. 1920, d. 2010) Danmörk Kristján Richter (f. 1937) Danmörk Kristján Sigurjónsson (f. 1905, d. 1982) Áhöfn Lárus Pálsson (f. 1914, d. 1965) Danmörk María Sveinbjörnsdóttir (María Viktoría Sveinbjörnsdóttir, f. 1914, d. 1990) Danmörk Oddur V. Hjálmarsson (Oddur Vagn Hjálmarsson, f. 1912, d. 1979) Svíþjóð Ólafur Jónsson (f. 1922, d. 2005) Danmörk Ólafur Sigurðsson (vélstjóri, f. 1901, d. 1975 eða háseti, óþekkt) Áhöfn Ólöf Kr. Richter (Ólöf Kristín Ólafsdóttir Richter, f. 1914, d. 1938) Danmörk Pjetur Pjetursson (Pétur Pétursson, f. 1918, d. 1996) Danmörk Ragnar Guðlaugs (Ragnar Guðlaugsson, f. 1897, d. 1977) Danmörk Ragnar Sigurðsson (skipverji á Snæfelli, óþekkt) Svíþjóð Regína Benediktsdóttir (f. 1917, d. 2004) Danmörk Regína Þórðardóttir (f. 1906, d. 1974) Danmörk Rósa Níelsdóttir (Sigurrós Rósa Einarsdóttir (Níelsdóttir), f. 1918, d. 2002) Danmörk S. Guðbjartsson (líklega Sigurður Guðbjartsson, f. 1900, d. 1959) Áhöfn Sig. Einarsson (Sigurður Einarsson, f. 1880, d. 1967) Danmörk Sig. Jónsson (Sigurður Jónsson, óþekkt) Áhöfn Sig. Ó. K. Þorbjarnarson (Sigurður Ólafur Kristinn Þorbjarnarson, f. 1913, d. 1988) Áhöfn Sighv. Bjarnason (Sighvatur Bjarnason, f. 1919, d. 1998) Danmörk Sigríður Axelsd. (Sigríður Axelsdóttir, f. 1920, d. 1997) Danmörk Sigríður Magnúsdóttir (f. 1911, d. 2000) Danmörk Sigurgeir P. Gíslason (f. 1916, d. 2003) Svíþjóð Stefán Björnsson (f. 1908, d. 1994) Danmörk Stefán Guðmundsson (Stefán Viggó Guðmundsson, f. 1918, d. 2007) Danmörk Steinunn Hafstað (Steinunn Alda Hafstað, f. 1919, d. 2005) Danmörk Sveinn Þórarinsson (f. 1899, d. 1977) Danmörk Thordarson (líklega Sigvaldi Thordarson, f. 1911, d. 1964) Danmörk Tove Engilberts (f. 1910, d. 1995) Danmörk Unnur H. Eiríks. (Unnur Hulda Eiríksdóttir, f. 1914, d. 1995) Danmörk Valborg […] (Valborg Sigríður Línberg Óladóttir, f. 1883, d. 1955) Áhöfn Vera Pálsdóttir (f. 1919, d. 2014) Danmörk Þ. Guðmundsson (óþekkt) Þ. Ragnar Jónasson (Þorleifur Ragnar Jónasson, f. 1913, d. 2003) Danmörk Þorbjörg Sturlu (Þorbjörg Sturludóttir, f. 1890, d. 1973) Danmörk Þórarinn Ólafsson (f. 1912, d. 1995) Danmörk Þórdís Jóhannsdóttir (Þórdís Ágústa Jóhannsdóttir, f. 1920, d. 1954) Danmörk Þórunn Hafstein (Þórunn J. Hafstein, f. 1912, d. 1998) Danmörk J[…] […] (óþekkt) […] […]dóttir (óþekkt) […] […]dsson (óþekkt) […] Árnadóttir (Þórunn Hekla Árnadóttir, f. 1922, d. 2010) eða (Þóra Árnadóttir, f. 1914, d. 1996) eða (Guðbjörg Rakel Árnadóttir (f. 1916, d. 1997) Danmörk […] Guðmundsdóttir (óþekkt) […] Sig[…] (óþekkt) Adda Þorvaldar (líklega Sigurbjörg Þorvaldsdóttir, f. 1918, d. 2007) Danmörk Ógreinileg undirskrift Ógreinileg undirskrift Ógreinileg undirskrift Ógreinileg undirskrift Ógreinileg undirskrift Ógreinileg undirskrift Undirskriftir á bakhlið Alma Leifsson (Alma Dóróthea Andersen Leifsson, f. 1902, d. 1989) Danmörk Auður Guðjónsdóttir (f. 1918, d. 2001) Svíþjóð Augusta Hallgrímsson ([…]) (Guðrún Ágústa Hallgrímsson (líklega gælunafn í sviga), f. 1907, d. 1980) Danmörk Axel Björnsson (f. 1895, d. 1967) Svíþjóð Ásg. Sigurðsson (Ásgeir Sigurðsson (skrifar tvisvar á jakkann), f. 1894, d. 1961) Áhöfn Ásta Einarson (Ásta Sveinbjörnsson Einarson, f. 1877, d. 1959) Danmörk Baldur Ólafsson (Baldur Rafn Ólafsson, f. 1911, d. 2001) Danmörk Bía Bjarnad. (líklega Fríður Bjarnadóttir, f. 1911, d. 1978) eða (Jóhanna Bjarnadóttir, f. 1903, d. 1981) Áhöfn Björn Jóhannesson (f. 1914, d. 1990) Danmörk Björn Sigurðsson (f. 1913, d. 1959) Danmörk Brandur Jónsson (f. 1911, d. 1982) Danmörk Camillus Bjarnars. (Camillus Wich Benediktsson Bjarnarson, f. 1905, d. 1976) Danmörk Einar S. Elíasson (Einar Sölvi Elíasson, f. 1915, d. 2011) Svíþjóð Eiríkur Leifsson (f. 1901, d. 1963) Danmörk Elín Jóhannsson (Elín Elísabet Júlíusdóttir (gift Ólafi Jóhannssyni), f. 1912, d. 1992) Danmörk Elín Söebech (Elín Söebech Eiríksdóttir, f. 1900, d. 1987) Danmörk Elísabet Guðmunds (Elísabet Guðmundsdóttir, f. 1906, d. 1947) Danmörk Erla Cortes (f. 1939, d. 2006) Danmörk Esther Blöndal (f. 1915, d. 2004) Danmörk Eva Vernharðs. (Eva Vernharðsdóttir, f. 1907, d. 1998) Danmörk Franch Michelsen (f. 1913, d. 2009) Danmörk G J Cortes (Gunnar J. Cortes, f. 1911, d. 1961) Danmörk G. Jónmundsson (Guðmundur Jónmundsson, f. 1901, d. 1956) Danmörk G. Thorkels (líklega Guðrún Lilja Þorkelsdóttir, f. 1914, d. 1990) Danmörk Georgía Björnsson (Georgía Björnsson Hoffman-Hansen, f. 1884, d. 1958) Danmörk Guðbjörg Milner (Guðbjörg Kristjánsdóttir Milner, f. 1910, d. 2004) Danmörk Guðbrandur Þ. Sæmundsson (líklega Guðbrandur Þorkell Sæmundsson, f. 1915, d. 1983) Áhöfn Guðjón Guðbjörnsson (f. 1897, d. 1976) Svíþjóð Guðjón Vigfússon (f. 1902, d. 1996) Svíþjóð Guðrún Björnsdóttir (Guðrún Salvör Björnsdóttir, f. 1914, d. 2011) Danmörk Guðrún Björnsson (Guðrún Valdimarsdóttir (gift Jóhannesi Björnssyni), f. 1917, d. 2010) Danmörk Guðrún Guðmunds (Guðrún Guðmundsdóttir, f. 1915, d. 1997) Danmörk Guðrún Pálsdóttir (Guðrún Pálína Pálsdóttir, f. 1909, d. 2000) Danmörk Guðrún S. Gísladóttir (Guðrún Soffía Gísladóttir, f. 1912, d. 2003) Danmörk Guðrún Tulinius (f. 1919, d. 2000) Danmörk Gunnar Jóelsson (Gunnar Viggó Jóelsson, f. 1918, d. 1990) Danmörk Gústa Bjarman (Ágústa Kolbeinsdóttir Bjarman, f. 1892, d. 1966) Danmörk H J Hólmjárn. (Hólmjárn J. Hólmjárn, f. 1891, d. 1972) Danmörk H. Elíasson (Hjörleifur Elíasson, f. 1922, d. 1972) Danmörk Hafsteinn Axelsson (f. 1922, d. 1982) Noregur Hanna Davíðsson (Jóhanna Christine Davíðsson, f. 1888, d. 1966) Danmörk Haraldur Sigurðsson. (vélstjóri á Gullfossi, f. 1883, d. 1954) eða (læknir, f. 1900, d. 1976) Danmörk Haukur Jacobsen (Haukur Egilsson Jacobsen, f. 1921, d. 1997) Danmörk Helena Zöega (Helena Geirsdóttir Zöega, f. 1920, d. 2001) Danmörk Helgi […] (Helgi Halldórsson, f. 1912, d. 1978) Danmörk Inga Jónsdóttir (líklega Jónína Ingunn Jónsdóttir (síðar Inga Blandon), f. 1919, d. 2012) Danmörk Ingibergur Vilmundars. (Ingibergur Vilmundarson, f. 1918, d. 1986) Svíþjóð Ingibjörg Jónsdóttir (Ingibjörg H. Jónsdóttir, f. 1919, d. 1988) Danmörk Ingibjörg Skarphéðinsdóttir (f. 1909, d. 1971) Noregur Ingibjörg Vernharðs (Ingibjörg Vernharðsdóttir, f. 1918, d. 2004) Danmörk Jóh. Björnsson (Jóhannes Björnsson, f. 1907, d. 1966) Danmörk Jóhann Þorsteinsson (f. 1910, d. 2006) Noregur Jón Jónsson (Jón Örn Jónsson frá Danmörku, f. 1938, d. 2020) eða (Jón Jónsson skipverji á Snæfelli frá Svíþjóð, óþekkt) Jón Jónsson (Jón Örn Jónsson frá Danmörku, f. 1938, d. 2020) eða (Jón Jónsson skipverji á Snæfelli frá Svíþjóð, óþekkt) Jón Pétursson (f. 1912, d. 2001) Danmörk Jón Sigtryggsson (f. 1908, d. 1992) Danmörk Jón Steingrímsson (f. 1914, d. 2004) Danmörk Kaj Ólafsson (Jens Kaj Ólafsson, f. 1906, d. 1968) Áhöfn Kjartan Guðmundssson (f. 1914, d. 1988) Danmörk Kjartan Milner (Kjartan Milner Eðvarðsson, f. 1907, d. 1953) Danmörk Kjartan R. Guðmundsson (f. 1906, d. 1977) Danmörk Klara Svanlaugs. (Hulda Klara Svanlaugsdóttir, f. 1914, d. 2011) Danmörk Kristbjörn Tryggvason (f. 1909, d. 1983) Danmörk Kristján Aðalsteinss (Kristján Aðalsteinsson, f. 1906, d. 1996) Danmörk Kristján Jónsson (skipverji á Snæfelli, óþekkt) Svíþjóð Kristján Reynir (Kristján Reynir Guðmundsson, f. 1918) Danmörk Leifur Sigurbjörnsson (Þorleifur Sigurbjörnsson, f. 1915, d. 1963) Danmörk Magga Guðjónsson (Sigríður Magnea Halldórsdóttir (í minnisblokkinni skrifar hún Magnea Guðjónsson), f. 1906, d. 1999) Danmörk Margrét Thorfinnsson (Margrét Ingibjörg Guðmundsdóttir (gift Tryggva Þorfinnsyni), f. 1909, d. 1976) Danmörk Margrjet Hjaltested Sólmundsson (Margrét Þórdís Hjaltested, f. 1909, d. 2006) Danmörk Már Ríkarðsson (Ríkarður Már Ríkarðsson, f. 1915, d. 1946) Danmörk Nana Pétursdóttir (líklega Kristjana Pétursdóttir, f. 1918, d. 1992) Danmörk Ól Tómasson (Ólafur Tómasson, f. 1908, d. 1977) Danmörk Ólafur Jóhannsson (1908, d. 1996) Danmörk Ósk Ólafsdóttir (Guðbjörg Ósk Ólafsdóttir, f. 1921, d. 2000) Danmörk Óskar Vigfússon (Kristófer Óskar Vigfússon, f. 1937) Danmörk Páll Ólafsson (f. 1911, d. 19979 Danmörk Ragna (Ragna Haraldsdóttir, f. 1927, d. 2009) Danmörk Ragna Eiríks. (Ragnhildur Eiríksdóttir, f. 1916, d. 1968) Danmörk Ragnar Karlsson (f. 1920, d. 1959) Noregur Rebekka Gestsdóttir (Rebekka Petra Gestsdóttir, f. 1917, d. 1986) Danmörk Rúna Cortez (Kristrún Þorsteinsdóttir Cortes, f. 1914, d. 2003) Danmörk Sigríður Pétursdóttir (f. 1905, d. 1985) Danmörk Sigríður Vernharðs. (Guðrún Sigríður Vernharðsdóttir, f. 1906, d. 1997) Danmörk Sigur[…] Gunnlaugsson (líklega Sigursteinn Gunnlaugsson, f. 1896, d. 1959) Svíþjóð Sigurd (óþekkt) Stefán Wathne (f. 1917, d. 1976) Danmörk Steindór Jónsson (Steindór Kr. Jónsson, f. 1918, d. 1981) Svíþjóð Sv. S. Einarsson (Sveinn Sigurður Einarsson, f. 1915, d. 1988) Danmörk Tómas Guðjónsson (f. 1907, d. 1983) Danmörk Tryggvi Steingrímsson (f. 1912, d. 1997) Áhöfn Valgerður Kristinsdóttir (f. 1894, d. 1987) Danmörk Valgerður Pétursd. (Valgerður Pétursdóttir, f. 1912, d. 1988) Danmörk Vésteinn Guðmundsson (f. 1914, d. 1980) Danmörk Vilhelm Jónsson (Vilhelm Fr. Jónsson, f. 1897, d. 1985) Svíþjóð Þorbjörg Eldjárn (f. 1914, d. 2013) Danmörk Þorsteinn Arnalds (Þorsteinn Arnaldsson, f. 1915, d. 2001) Danmörk Þór Ingimarsson (Þór Ferdinand Ingimarsson, f. 1919, d. 2003) Danmörk Þórarinn Sigmundsson (f. 1917, d. 1996) Finnland Þórdís Claessen (f. 1919, d. 2005) Danmörk [.]. Sigurðsson (óþekkt) Ógreinileg undirskrift Ógreinileg undirskrift Ógreinileg undirskrift

Main information

Dating
1940
Material
Technique
Object-related numbers
"Museumnumber b": 2021-14
Dimensions
47 x 38 cm Lengd: 47 Breidd: 38 cm
Record type
Collection
Undirskrá: Munasafn
Keywords
Keyword: Jakki
References
Petsamójakkinn (2021, 24. janúar). Fyrir alla muni. RÚV. Unnar Rafn Ingvarsson. (2020). Heimferð Íslendinga frá Petsamo. Þjóðskjalasafn Íslands. Sótt af: https://skjalasafn.is/heimild/heimferd_islendinga_fra_petsamo Davíð Logi Sigurðsson. (2020). Þegar heimurinn lokaðist: Petsamo-ferð Íslendinga 1940. Sögur útgáfa. Davíð Roach Gunnarsson og Egill Helgason. (2020, 15. október). 80 ár frá endurkomu Petsamó-ferðarinnar. RÚV. Sótt af: https://www.ruv.is/frettir/menning-og-daegurmal/2020-10-15-80-ar-fra-endurkomu-petsamo-ferdarinnar "Esjan" er komin að landi með 258 farþega. (1940, 16. október). Morgunblaðið, bls. 3 og 6. Sótt af: https://timarit.is/page/1242218 Ferðin frá Íslandi til Petsamo. (1940, 16. október). Morgunblaðið, bls. 5. Sótt af: https://timarit.is/page/1242220 Utanríkisráðuneytið. (2020, 15. október). Eldskírn utanríkisþjónustunnar - fyrsta borgaraþjónustuverkefnið. Stjórnarráð Íslands. Sótt af: https://www.stjornarradid.is/raduneyti/utanrikisraduneytid/soguvefur-utanrikisthjonustunnar/stakur-pistill/2020/10/15/Islendingarnir-sem-laestust-inni/