Main information
Gender / Year of Submittee
Kona (1990)
Dating
period: 01.01.2016 - 01.01.2022
Object-related numbers
"Museumnumber b": 2022-1-643
Questions / Answers
Lýstu mataræði þínu í daglegu lífi. Taktu fram ef þú skilgreinir mataræði þitt á ákveðinn hátt, og hvað felst í þeirri skilgreiningu.
Er vegan og borða þar af leiðandi engar dýraafurðir. Borða oftast nokkuð hollt en leyfi mér alveg alskonar óhollustu líka. Borða mest af grænmeti, ávöxtum, hnetum og baunum og byrja daginn oftast á hafragraut.
Hversu lengi hefur þú aðhyllst þetta mataræði?
Hef borðað svona í sex ár.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Langstærsta ástæðan í upphafi var dýravelferð og er það í raun enn í dag þó svo að umhverfissjónarmið komi sterk inn núna síðustu ár.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Sá mikið af umræðum á samfélagsmiðlum, aðallega facebook og fór í kjölfarið að kynna mér veganisma með því að lesa fræðigreinar og horfa á heimildarmyndir. Ég ákvað fyrst að hætta að borða kjöt en innan tveggja mánaða var ég búin að taka út fisk, mjólkurvörur og egg líka.
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Ég hef orðið mun meðvitaðari um alla neyslu og spái ekki bara í því sem ég borða.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Liðverkir sem höfðu verið að hrjá mig hurfu nánast alveg og svo tók bragðskynið stakkaskiptum. Áður borðaði ég ekki baunir og lítið af elduðu grænmeti en var farin að elska allskonar þannig innan nokkurra mánaða. Ég hef einnig orðið mun meðvitaðari um alla neyslu.
Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)
Versla oftast í Krónunni og Bónus. Veganismi, heilsa og hvað mig langar í hverju sinni ræður því hvað ég kaupi. Verðlag skiptir mig oft máli þó ég leyfi mér oft að versla dýrari vörur. Ég hef nýlega aðeins farið að spá í uppruna vara. Auglýsingar hafa auðvitað áhrif og upplýsingar á pakkningum smávegis. Uppröðun verslana stýrir ekki miklu.
Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?
Verulega gott. Bý td mjög nálægt vegan búðinni.
Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin
Hef mjög mikinn áhuga á matargerð og eyði líklega um þremur tímum á dag að jafnaði í að undirbúa mat og borða. Ég er mikill sælkeri og ástríðukokkur. Er mikið að leika mér í eldhúsinu að búa til uppskriftir og elska líka að prófa nýjar.
Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).
Best er ef matur er bragðmikill og ekki eintóna hvað varðar áferð. Lykt og útlit getur alveg gert upplifunina skemmtilega en skiptir ekki mestu máli
Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?
Ég kýs minna unnar vörur þó svo að ég borði líka unnar vörur.
Er eitthvað sem þú saknar sérstaklega mikið úr þínu fyrra mataræði? Hvers vegna?
Nei.
Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)
Ég elda ca 5-6 sinnum í viku. Nauðsynlegt að eiga hnífa, skurðarbretti, ofn og potta.
Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?
Stundum. Fer á Íslensku Flatbökuna, serrano, Subway, Tasty og Yndisauka svo dæmi séu nefnd.
Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?
Stundum vesen í veislum og oft ekki hægt að fá tilbúna hluti eins og samlokur í verslunum og bensínstöðvum til að grípa í en annars eru ekki margar hindranir.
Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?
Bý með konu og 7 mánaða barni og við erum öll vegan.
Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?
Upplifi langoftast stuðning, sérstaklega frá vinum og fjölskyldu en stundum gagnrýni og þá sérstaklega frá vinnufélögum.
Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?
Finnst hefðir skemmtilegar en ekki nauðsynlegar. Hef aðallega búið til nýjar matarhefðir í kringum jólin eða veganisað gamlar góðar jólahefðir sem hefur bara verið gaman.
Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.
Það er misjafnt eftir því hjá hverjum en oft býðst ég til að koma með 1-2 rétti í veislur. Langflestir gestir og gestgjafar eru mjög jákvæðir gagnvart veganisma og gera oftast sitt besta til að bjóða upp á eitthvað.
Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.
Fólki finnst eðlilegra að ég sé vegan útaf því að ég er kona. Fæ oft athugasemdir frá karlmönnum oftast að þetta sé kvenlegt.
Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.
Á uppskriftabækur og leita mikið af upplýsingum á netinu. Vegan Ísland á facebook er líka góður kostur til að finna upplýsingar.
Hvað felst í þínum huga í sjálfbærni í daglegu lífi?
Að nýta hluti sem best.
Hvað felst í þínum huga í heilsusamlegu mataræði? Hvað/hvernig er hollur matur?
Hollur matur er lítið unninn og vel samansettur af hollum fitum og prótínum. Mikilvægt að borða fjölbreytt og mikið af grænmeti.
Finnst þér mikilvægt að fræða aðra um þitt mataræði? Hvers vegna og hvernig?
Hvers vegna ekki? Nefndu endilega dæmi.
Já, í von um að fólk fari að hugsa um hvað það er að borða, dýranna og jarðarinnar vegna. Mér finnst best að gefa fólki bragðgóðan mat og lauma upplýsingum að fólki hér og þar. Ekki í bræði heldur mjög rólega að fá fólk til að hugsa.
Sérð þú fyrir þér að halda áfram að fara eftir þessu mataræði um ókomna tíð?
Já.
Er eitthvað sem þú vilt bæta við sem hefur ekki komið fram nú þegar?
Nei.
Hefur þú einhverjar athugasemdir við þessa spurningaskrá?
Nei
Við hvað starfar þú?
Er stöðvastjóri á tveimur N1 stöðvum.
Hver er menntun þín?
BA í mannfræði og MA í mannauðsstjórnun.
Er vegan og borða þar af leiðandi engar dýraafurðir. Borða oftast nokkuð hollt en leyfi mér alveg alskonar óhollustu líka. Borða mest af grænmeti, ávöxtum, hnetum og baunum og byrja daginn oftast á hafragraut.
Hversu lengi hefur þú aðhyllst þetta mataræði?
Hef borðað svona í sex ár.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Langstærsta ástæðan í upphafi var dýravelferð og er það í raun enn í dag þó svo að umhverfissjónarmið komi sterk inn núna síðustu ár.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Sá mikið af umræðum á samfélagsmiðlum, aðallega facebook og fór í kjölfarið að kynna mér veganisma með því að lesa fræðigreinar og horfa á heimildarmyndir. Ég ákvað fyrst að hætta að borða kjöt en innan tveggja mánaða var ég búin að taka út fisk, mjólkurvörur og egg líka.
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Ég hef orðið mun meðvitaðari um alla neyslu og spái ekki bara í því sem ég borða.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Liðverkir sem höfðu verið að hrjá mig hurfu nánast alveg og svo tók bragðskynið stakkaskiptum. Áður borðaði ég ekki baunir og lítið af elduðu grænmeti en var farin að elska allskonar þannig innan nokkurra mánaða. Ég hef einnig orðið mun meðvitaðari um alla neyslu.
Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)
Versla oftast í Krónunni og Bónus. Veganismi, heilsa og hvað mig langar í hverju sinni ræður því hvað ég kaupi. Verðlag skiptir mig oft máli þó ég leyfi mér oft að versla dýrari vörur. Ég hef nýlega aðeins farið að spá í uppruna vara. Auglýsingar hafa auðvitað áhrif og upplýsingar á pakkningum smávegis. Uppröðun verslana stýrir ekki miklu.
Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?
Verulega gott. Bý td mjög nálægt vegan búðinni.
Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin
Hef mjög mikinn áhuga á matargerð og eyði líklega um þremur tímum á dag að jafnaði í að undirbúa mat og borða. Ég er mikill sælkeri og ástríðukokkur. Er mikið að leika mér í eldhúsinu að búa til uppskriftir og elska líka að prófa nýjar.
Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).
Best er ef matur er bragðmikill og ekki eintóna hvað varðar áferð. Lykt og útlit getur alveg gert upplifunina skemmtilega en skiptir ekki mestu máli
Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?
Ég kýs minna unnar vörur þó svo að ég borði líka unnar vörur.
Er eitthvað sem þú saknar sérstaklega mikið úr þínu fyrra mataræði? Hvers vegna?
Nei.
Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)
Ég elda ca 5-6 sinnum í viku. Nauðsynlegt að eiga hnífa, skurðarbretti, ofn og potta.
Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?
Stundum. Fer á Íslensku Flatbökuna, serrano, Subway, Tasty og Yndisauka svo dæmi séu nefnd.
Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?
Stundum vesen í veislum og oft ekki hægt að fá tilbúna hluti eins og samlokur í verslunum og bensínstöðvum til að grípa í en annars eru ekki margar hindranir.
Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?
Bý með konu og 7 mánaða barni og við erum öll vegan.
Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?
Upplifi langoftast stuðning, sérstaklega frá vinum og fjölskyldu en stundum gagnrýni og þá sérstaklega frá vinnufélögum.
Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?
Finnst hefðir skemmtilegar en ekki nauðsynlegar. Hef aðallega búið til nýjar matarhefðir í kringum jólin eða veganisað gamlar góðar jólahefðir sem hefur bara verið gaman.
Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.
Það er misjafnt eftir því hjá hverjum en oft býðst ég til að koma með 1-2 rétti í veislur. Langflestir gestir og gestgjafar eru mjög jákvæðir gagnvart veganisma og gera oftast sitt besta til að bjóða upp á eitthvað.
Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.
Fólki finnst eðlilegra að ég sé vegan útaf því að ég er kona. Fæ oft athugasemdir frá karlmönnum oftast að þetta sé kvenlegt.
Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.
Á uppskriftabækur og leita mikið af upplýsingum á netinu. Vegan Ísland á facebook er líka góður kostur til að finna upplýsingar.
Hvað felst í þínum huga í sjálfbærni í daglegu lífi?
Að nýta hluti sem best.
Hvað felst í þínum huga í heilsusamlegu mataræði? Hvað/hvernig er hollur matur?
Hollur matur er lítið unninn og vel samansettur af hollum fitum og prótínum. Mikilvægt að borða fjölbreytt og mikið af grænmeti.
Finnst þér mikilvægt að fræða aðra um þitt mataræði? Hvers vegna og hvernig?
Hvers vegna ekki? Nefndu endilega dæmi.
Já, í von um að fólk fari að hugsa um hvað það er að borða, dýranna og jarðarinnar vegna. Mér finnst best að gefa fólki bragðgóðan mat og lauma upplýsingum að fólki hér og þar. Ekki í bræði heldur mjög rólega að fá fólk til að hugsa.
Sérð þú fyrir þér að halda áfram að fara eftir þessu mataræði um ókomna tíð?
Já.
Er eitthvað sem þú vilt bæta við sem hefur ekki komið fram nú þegar?
Nei.
Hefur þú einhverjar athugasemdir við þessa spurningaskrá?
Nei
Við hvað starfar þú?
Er stöðvastjóri á tveimur N1 stöðvum.
Hver er menntun þín?
BA í mannfræði og MA í mannauðsstjórnun.
Questionnaire
Record type