Hallamál
1917
In preservation at
Árnessýsla Heritage Museum
Hallamælir, dökkgrænn. U. laga rör með glerpípu festa í báða enda. Vatn sett í rörið og vatnsyfirborðið er lárétt. Undirstaðan er hrífuskaft sem rekið er í jörðina, gefandi útbjó stall til að hægt væri að hafa hallamælinn á gólfi. Hallamælirinn var í eigu Jóns Jónssonar smiðs og bónda á Hlemmiskeiði í Skeiðahreppi í Árnessýslu. Hann hefur sennilega smíðað hann á árunum er framkvæmdirnar við Skeiðaáveituna stóðu yfir á árunum 1917-1923. Jón stofnaði Sparisjóð Skeiðahrepps og var formaður hans og gjaldkeri til dauðadags. Kunnugur lýsi Jóni svo: Hann gekk undir nafninu Jón smiður, enda var hann ágætur smiður. Bæði á tré og járn. Hann var lágur vexti en mjög þrekinn, mátti með sanni segja um hann að flest lægi fyrir honum til munns og handa. Á síðustu æfiárum sínum stundaði hann bókband og fórst það vel úr hendi. Hann var brautryðjandi að stofnun Sparisjóðs Skeiðahrepps og stjórnaði honum með aðgætni og hyggindum svo að sjóðurinn tapaði ekki einum eyri, var það þrekvirki á þeim krepputímum sem yfir dundu og kollvörpuðu öðrum sparisjóðum í Árnessýslu. Hann var ágætur reikningsmaður en lítið hneigður fyrir búskap. Hann hafði sterka trú á sigri hins góða, og trúmaður, þótt ekki þræddi hann alltaf alfara vegi. Gefandi er barnabarn Jóns.
Main information
Dating
1917
Material
Object-related numbers
Museumnumber a: BÁ-2919
Dimensions
151 x 70 cm
Lengd: 151 Breidd: 70 cm
Place
Staður: Hlemmiskeið 1, 801-Selfossi, Skeiða- og Gnúpverjahreppur
Record type
Collection
Undirskrá: Almenn munaskrá
Keywords
Keyword: Hallamál