Armstóll
1956 - 1974
In preservation at
Akranes Folk Museum
Armstóll úr Akraborg I. (1956-1974) sem sigldi í upphafi á milli Reykjavíkur-Akraness-Borgarness.
Árið 1966 voru ferðir til Borgarness lagðar niður og sinnti því Akraborg I. eingöngu áætlunarferðum milli Reykjavíkur og Akraness fram til ársins 1974 er Akraborg II. var keypt til landsins. Hið nýja skip Skallagríms hf. sem smíðað var í Danmörku 1956 fékk nafnið Akraborg og er skýring á þeirri nafngift nærtæk.
Skipið átti fyrst og fremst að tengja Akranes og Borgarnes við Reykjavík og vera jafnframt sýnilegt tákn um samvinnu þessara tveggja þéttbýlisstaða. Skipið var 135 fet á lengd, 26 fet á breidd, 358 rúmlestir, útbúin sem farþega- og vöruflutningaskip og gat flutt 250 farþega, 95 tonn af vörum í tveimur farrýmum og auk þess 5 bifreiðar á þilfari.
Á árunum upp úr 1960 voru verulegar umræður um samgöngur um Hvalfjörð og sýndist sitt hverjum. Í kringum 1970 var farið að tala um að Akraborgin þótti ekki fullnægja þeim kröfum sem gera þyrfti til ferjuskips á hinni fjölförnu leið milli Akraness og Reykjavíkur. Í árslok 1973 samþykkti stjórn Skallagríms hf. að kaupa skip frá Noregi til að leysa Akraborg I. af hólmi. Miklar deilur urðu á Alþingi varðandi þessi skipakaup og töldu þeir sem voru á móti þessu að verið væri að festa kaup á miklu stærra skipi en verkefnið krefðist. Þrátt fyrir há mótmæli þá voru þessi skipakaup samþykkt á Alþingi og kom skipið (Akraborg II.) hingað til lands 23. júní 1974. Skipið hóf áætlunarferðir laugardaginn 29. júní 1974. Akraborg I. var seld til Englands jafnhliða kaupunum á Akraborg II. Þegar skipið var selt þá var ýmislegt fjarlægt og þar á meðal eitthvað af þeim stólum sem voru í farþegarými. Vegna mikils veltings á sjó þá voru þessir stólar festir niður með keðjum. Stólinn eignaðist Friðrik Þorvaldsson (f.10.12.1896 – d.18.01.1983) sem starfaði í rúmlega 40 ár hjá Skallagrími og sá um afgreiðslu Akraborgar í Reykjavík þar til hann var á áttugasta aldursári.
Main information
Dating
1956 - 1974
Material
Object-related numbers
"Museumnumber b": 2023-225-1
Dimensions
80 x 65 x 45 cm
Lengd: 80 Breidd: 65 Hæð: 45 cm
Place
Núverandi sveitarfélag: Borgarbyggð, Borgarbyggð
Record type
Collection
Undirskrá: Almenn munaskrá