Klukka
In preservation at
Árnessýsla Heritage Museum
Koparklukka, barmavídd 24,0 cm og hæðin 24,0 cm. Koparklukka sem var notuð í gamla sæluhúsinu á Kolviðarhóli og hringt í dimmviðrum vegfarendum til leiðbeiningar heim á Hólinn. Hún var sett þar upp árið 1885. Klukkan var tekin niður fyrir mörgum áratugum en þó lengi geymd á Hólnum, uns hún hvarf þaðan eða enginn vissi um hana. Skúli hélt spurn fyrir um hana um skeið og til ellefu manna var leitað upplýsinga, uns hún kom fram hjá Jóni Sigurðssyni smið á Laugavegi 54 í Reykjavík. Hún hafði þá legið lengi í járnahrúgu í smiðju hans. Einhvern tíma hafði verið komið með klukkuna til Jóns og hún boðin sem brotakopar til bræðslu. Jón keypti hana en tímdi ekki að bræða hana. Þá falaði bóndi ofan úr Borgarfirði klukkuna er vildi fá hana við heimagrafreit hjá sér "en ég hummaði það fram af mér" sagði Jón. Og á síðustu árum var hún gleymd uns Jón var spurður um gripinn. Þá rifjaðist allt upp. Vantaði kólfinn í klukkuna og smíðaði Jón hann sjálfur þá orðinn 86 ára gamall. Renndi hann í rennibekk sínum og gaf hana síðan til safnsins. Mælti þá "Það er mikið að hún skyldi ekki vera glötuð fyrir fullt og allt. Það er eins og það hafi verið yfir henni einhver hulinn verndarkraftur."
Main information
Donor: Jón Sigurðsson
Material
Object-related numbers
Museumnumber a: BÁ-564
Dimensions
24 x 24 cm
Lengd: 24 Breidd: 24 cm
Place
Staður: Kolviðarhóll, Ölfus
Record type
Collection
Undirskrá: Almenn munaskrá
Keywords
Keyword: Klukka
Place of origin
64°3'1.2"N 21°24'5.3"W