Náttkjóll
In preservation at
Borgarnes Museum
Náttkjóll úr db. Þórunnar Eiríksdóttur (1928-2003), húsfreyju á Kaðalstöðum, Stafholtstungum. Kjóllinn er hvítur og útsaumaður ofantil. Sídd: 110 cm. Enskur og franskur útsaumur. Gefandi: Sigrún Ólafsdóttir dóttir Þórunnar. Kjóllinn er að öllum líkindum saumaður af Þórunni.
Þórunn Eiríksdóttir fæddist á Hamri í Þverárhlíð 20. janúar 1928 og ólst upp á Glitstöðum í Norðurárdal. Foreldrar hennar voru hjónin Eiríkur Þorsteinsson, bóndi á Glitstöðum, og Katrín Jónsdóttir húsmóðir. Þórunn stundaði nám við Héraðsskólann í Reykholti og Húsmæðraskólann á Varmalandi. Hún bjó á Kaðalstöðum frá árinu 1951.
Þórunn tók virkan þátt í félagsmálum í Borgarfirði og stjórnmálum og var fyrr á þessu ári sæmd riddarakrossi fyrir störf að félags- og byggðamálum. Hún var formaður Kvenfélags Stafholtstungna og Sambands borgfirskra kvenna um tíma og var varaformaður Kvenfélagasambands Íslands. Hún átti í rúm tuttugu ár sæti í skólanefnd Barnaskóla Mýrasýslu á Varmalandi og í stjórn Skógræktarfélags Borgarfjarðar í tólf ár. Hún ritaði sögu Varmalandsskóla, Skógræktarfélags Borgarfjarðar, Sambands borgfirskra kvenna og Kvenfélags Stafholtstungna. Hún átti nokkrum sinnum sæti á framboðslistum Alþýðubandalagsins við alþingiskosningar og sat um tíma í bankaráði Búnaðarbanka Íslands. Síðustu árin hefur hún verið formaður Félags aldraðra í Borgarfjarðardölum.
Eiginmaður Þórunnar Eiríksdóttur var Ólafur Jónsson trésmiður sem lést 1998. Þau eignuðust þrjár dætur, Sigrúnu, Unni og Björk og er sú fyrstnefnda gefandi gripsins sem var gefinn á safnið ásamt grip nr. 10235.
Helstu heimildir:
https://www.mbl.is/greinasafn/grein/772530/ Skoðað 9. júlí 2021
Borgfirzkar æviskrár V, bls. 340.
Main information
Title
Proper noun: Náttkjóll
Material
Object-related numbers
Museumnumber a: 10234
Record type
Collection
Undirskrá: Byggðasafn Borgarfjarðar
Keywords
Keyword: Náttkjóll