Með oddi og egg - minningar Ríkarðs Jónssonar
1972
In preservation at
Ríkharður Jónsson Museum
Tekið af bakhlið bókakápu:
Saga Ríkarðs Jónssonar er saga mikilhæfs listamanns, sem er flestum öðrum listamönnum rammíslenzkari í list sinni og eðli, mótaður af hrikaleik og kynjamyndum íslenzkrar náttúru og þó einkum æskustöðvanna á Djúpavogi. En Ríkarður er einnig frægur sögumaður og söngvinn gleðimaður, vinsæll og eftirsóttur félagi. Þessi bók speglar alla þessa eiginleika hans og gefur af honum heilsteypta lífsmynd.
Ítalíuför Ríkarðs og félaga hans, þeirra Davíðs Stefánssonar frá Fagraskógi, Ingólfs Gíslasonar læknis og Tryggva Sveinbjörnssonar rithöfundar, var fræg för og skemmtileg. Þar koma einnig við sögu hjónin Kristín Jónsdóttir listmálari og Valtýr Stefánsson ritstjóri. Þá fuku tappar úr kampavínsflöskum, þá var dansað og sungið — og í þeirri för urðu til sum af fegurstu kvæðum skáldsins frá Fagraskógi.
Ekki eru síður eftirminnilegir vinirnir úr bakhúsinu við Grundarstíginn, en meðal þeirra voru frægir sögumenn eins og séra Árni Þórarinsson, hinn kunni sálusorgari Snæfellinga og Jón í Skjálg, sem Ríkarður telur fyndnastan allra manna, sem hann hefur kynnst. Þangað lögðu einnig leið sína Sigvaldi Kaldalóns, Sigfús Sigfússon þjóðsagnasafnari og fjöldi annarra þjóðkunnra manna. Og Ríkaður segir frá frændum okkar í Færeyjum, og einnig þar var glaðzt, sagðar sögur og sungið. Loks minnist hann með hlýhug og hrifningu æskustöðvanna á Austurlandi, opnar okkur sýn inn í ævintýraheim þeirra, undraveröld hulduheima og álfaborga, og sögupersónur frá æskustöðvum hans birtast okkur ljóslifandi á síðum bókarinnar og verða lesandanum ógleymanlegar.
Main information
Title
Title: Með oddi og egg - minningar Ríkarðs Jónssonar
Dating
1972
Object-related numbers
"Museumnumber b": 2020-938
Dimensions
23 x 16 cm
Collection
Undirskrá: Almenn bókaskrá