Ríkarðshús

Ríkarðshús er safn tileinkað ævi og verkum Ríkarðs Jónssonar. Ríkarður ólst upp í Strýtu við Hamarsfjörð og sýndi ungur af sér mikið listfengi. Hann var fjölhæfur listamaður og skildi eftir sig mikið magn listaverka. Ríkarður lagði gjörva hönd á margt en er þekktastur fyrir að hafa gert ríkisskjaldarmerki Íslands, lágmyndina Banakossinn fyrir Þjóðleikhúsið sem og fjölmargar lágmyndir, brjóstmyndir af samtíðarmönnum og útskurðarmuni. Hann var einn af fyrstu mönnum til að skrá niður íslenska höfðaletrið til varðveitingar og eftir hann liggja einnig teikningar, ljóð og húsgögn.