Úrfesti úr hári
1920
In preservation at
Reykjasafn Heritage Museum
Úrfesti unnin úr hári Önnu Steinvarar Jónasdóttur. Hún var fædd í Melrakkadal í Víðidal 16 des. 1854, dóttir Jónasar Sigurðssonar bónda þar og Ragnhildar konu hans Aradóttur. Meðal margra systkina Steinvarar voru; Jónas bóndi í Hlíð á Vatnsnesi, Jón bóndi í Haga í Þingi og Hjörtur, síðast tómthúsmaður á Blönduósi. Steinvör kom að Sveinstöðum vorið 1875 og dvaldi þar til æviloka 12.des.1917. Hún giftist ekki, enda var hún kripplingur, en eigi að síður frábær að listfengi, dugnaði og andlegu atgerfi, svo að rómað var. Þrátt fyrir beinkramarlýtin bar hún fegurð, sem ekki var vitað til að ætti sinn líka þar í sýslu, en það var hárið, er á yngri árum gat sem næstum hulið hana alla. Á efri árum hélt hún rothárinu til haga og gaf mér slatta af því. En hún hafði annast mig frá því að ég var tekin í fóstur á Sveinstöðum á öðru aldursári 1896. Úr þessu hári lét ég gera mér meðfylgjandi úrfesti í Þýskalandi árið 1920.
( Ásgeir L. Jónsson, kenndur við Þingeyrar og Sveinstaði, skráði og gaf úrfestina).
Main information
Title
Proper noun: Úrfesti úr hári
Dating
1920
Material
Object-related numbers
Museumnumber a: 935
Place
Staður: Sveinsstaðir, 541-Blönduósi, Húnabyggð
Record type
Collection
Undirskrá: Almenn munaskrá
Keywords
Keyword: Úrfesti
References
Safnskrá Byggðasafns Húnvetninga og Strandamanna. Bók nr. II.
Place of origin
65°30'22.7"N 20°22'24.8"W