Rakgrind

1900 - 1910

In preservation at

Rakgrind - úr 2 grindum 160 cm löngum og 113 cm breiðum með þverslá í miðju. Síðan eru grindurnar settar í kross á trétein, sem gengur í gegnum þverslárnar í miðju og stendur nokkuð niður úr og nokkuð upp úr. Þverslár falla í gróp hver í aðra, þegar grindurnar eru komnar í kross. Til þess að halda grindunum í föstum skorðum eru tvær slár með sýlingu í endana, sem falla á uppistöður grindanna og spenna þær út. Er önnur að neðan í annarri grindinni en hinm að ofan í hinni. Í þessum slám eru tveir hælar 18 cm langir með 16 cm millibili. Tréteinninn í miðju grindarinnar var látinn leika í leðurhólki að ofan sem festur var í bita. Snerist þá grindin auðveldlega í þessum útbúnaði. Þegar vefur var rakinn var grindinni snúið og vafið umhverfis hana þráðurinn frá snældustólnum. Var þeim brugðið um hælana í hælaslánum sem fyrr var lýst. Áður en byrjað var að rekja, var vefurinn mældur og sett þar merki á einn þráðinn, og þegar að merkinu kom var neðri hælasláin sett í grindina og síðan vafið utan um grindina sitt á hvað með því að færast upp og niður. Síðan var "slangan" tekin af grindinni. Fór lengd hennar eftir því hvað vefurinn var langur.