Nærskyrta

1920 - 1960

In preservation at

Saumuð af Helgu Sigurðardóttur (9.4.1908 - 26.10.1982) frá Hraunsási. Flíkin er úr hvítu bómullarefni og bróderuð með enskum og frönskum flatsaum. Tölur eru efst á hlýrum. Fangamarkið "H" er útsaumað á brjósti með frönskum saumi. Helga bjó á Hraunsási alla sina ævi. Móðir hennar lést við fæðingu Helgu. Móðursystir hennar, Magnes, fluttist að Hraunsási í kjölfarið og gekk henni og bræðrum í móðurstað og giftist síðar föður Helgu. Helga var ógift og barnlaus. Hún tók við heimilinu að Hraunsási eftir dauða Magnesar árið 1921, þá aðeins á fermingaraldri. Fór hún aldrei langdvölum frá Hraunsási að undaskildum einum vetri í húsmæðraskólann á Staðarfelli. Jón bróðir hennar tók við búi að Hraunsási ásamt konu sinni Aðalheiði Jóhannesdóttur frá Hallkelsstöðum í Hvítársíðu. Bjó Helga þar áfram og sinnti störfum á búinu og enn eftir að bróðir hennar féll frá fyrir aldur fram. Minningargrein um Helgu 29.12.1982: http://timarit.is/view_page_init.jsp?pageId=3576580