Landakort

1961

In preservation at

Landakort af siglingaleiðum frá Íslandi og nær kortið yfir Grænland og fleiri landsvæði á norðurslóðum. Kortið er áritað og á því segir: "Tileinkað: Jóni Helgasyni. Frá: Jóni Sigurðssyni, Kolbeini Sigurðssyni, Sigurði Guðjónssyni, Til minningar um Litlu Háeyrar aldamótamenn MeM: Helga Jónsson, Sigurð Jónsson, Guðjón Jónsson, Jón Stefánsson." Kortið er gefið út í "Washington, D.C. by the U.S NAVY HYDROGRAPHIC OFFICE under the authority of the SECRETARY OF THE NAVY" árið 1961. Á bakhlið kortsins er stimplað með smáum stöfum "HALAMIÐ". Kortið er örlítið rifið en nokkuð heilt og er rúllað upp á pappahólk. Munur úr búi Helgu Guðjónsdóttur á Litlu Háeyri (1919-2010). Hún hélt heimili með bræðrum sínum Sigurði og Jóni og bjó svo ein á Litlu Háeyri eftir fráfall þeirra. Helga var menntuð í garðyrkju, leiklist og klæðskerasaum. Hún stundaði nám í Kennaraskóla Íslands og vann sem handavinnukennari í Barnaskólanum á Eyrarbakka. Hún sat í stjórn ungmennafélags og leikfélags á Eyrarbakka í mörg ár. Helga var ógift og barnlaus.