Order a photo Terms of Use

Heiðursmerki, í minningarskyni

1937

In preservation at

Akranes Folk Museum

Heiðursmerki úr silfri sem forseti franska lýðveldisins veitti Bjarna Brynjólfssyni frá Bæjarstæði (Suðurgata 106) og hafnsögumanni á Akranesi vegna tilraunar til björgunar skipsáhafnarinnar á "Pourquoi Pas ?" þann 16.sept.1936. Peningurinn er 2,5 sm í þvermál með borða í frönsku fánalitunum, blár, hvítur, rauður og ankeri í miðju. Á bakhlið peningsins er grafið B. Brynjólfsson 1936. Meðfylgjandi eru 2 skjöl, annað frá ræðismanni frakka á Íslandi dagsett 3.júlí 1937 en þar segir: "Ég hef þá ánægju að láta yður vita að samkvæmt tillögu minni hefur forseti Frakklands (Albert Lebrun) með tilskipun frá 16.mars 1937 sæmt yður björgunar-medalíu úr silfri af fyrsta flokki. Með því að veita yður þetta heiðursmerki vill franska stjórnin þakka yður fyrir hjálpfýsi yðar og hreysti sem þér sýnduð í sambandi við strand Pourquoi Pas ?". Hitt skjalið er frá franska siglingarráðuneytinu en þar segir: "Siglinga-ráðuneytið vottar hér með að með tilskipun frá 16.mars 1937 hefur forseti franska lýðveldisins veitt hr. Bjarna Brynjólfssyni, hafnsögumanni 1.flokks björgunarmedalíu úr silfri, sem viðurkenningu áræðis hans og fórnfýsi til björgunar skipsáhafnarinnar á Pourquoi Pas ? sem brotnaði í spón á skerjum nálægt Borgarfirði á vesturströnd Íslands 16.sept.1936. Gef. Sigurður Guðjónsson, barnabarn Bjarna Brynjólfssonar.