Vettlingur

In preservation at
Borgarnes Museum
Vettlingar, handprjónaðir, gerðir og voru í eigu Ingibjargar Friðgeirsdóttur á Hofsstöðum á Mýrum. Munurinn kom ásamt þremur öðrum munum í Safnahús í nóvember 2017. Ennfremur voru afhent skjöl við sama tækifæri, aðallega myndir, á Héraðsskjalasafnið.
Ingibjörg Friðgeirsdóttir (Imma) fæddist árið 1906 í Borgarnesi, dóttir Sigurjóns Friðgeirs Sveinbjarnarsonar og Ingibjargar Lífgjarnsdóttur. Móðir Immu lést nokkrum dögum eftir fæðinguna og tóku þá Ólöf systir Friðgeirs og Gestur maður hennar hana í fóstur, en þau voru þá til heimilis á Álftanesi. Síðar voru þau á Ytri Rauðamel þar sem Imma dvaldi til fullorðinsára. Fermingarfræðslu og heimanám fékk hún auk eins vetrar á Húsmæðraskóla og stuttrar námsdvalar í Reykjavík. Imma giftist Friðjóni Jónssyni og þau bjuggu á Hofsstöðum í Álftaneshreppi og eignuðust fjögur börn. Imma var ein þeirra sem veittu aðstoð þegar Pourquoi pas? slysið varð við Straumfjörð 1936. Hún var fíngerð og falleg kona og gekk til allra verka þrátt fyrir fötlun á handlegg eftir slys á yngri árum. Hún var góð hestakona og var á Hofsstöðum lengst af gott hestakyn. Imma sat í stjórn Byggðasafns Borgarfjarðar og var fyrsti formaður og síðar heiðursfélagi Kvenfélags Álftaneshrepps. Ennfremur var hún heiðurfélagi í Hestamannafélaginu Faxa. Ingibjörg lést rúmlega níræð að aldri árið 1998.
Efni um Ingibjörgu var skrifað af Gesti syni hennar og milligöngu hafði dóttir hans Ingibjörg Geststóttir. Gert fyrir Safnahús Borgarrfjarðar í tilefni af sýningunni „Gleym þeim ei“ vorið 2015.
„Á hennar búskaparárum var oft margt í heimili, við margháttuð bústörf. Nokkrir heimilismenn dvöldu þar árum saman og sumir enduðu þar sína hérvist, þar með talin voru tengdaforeldrar Immu sem bæði enduðu æfi sína sem rúmliggjandi sjúklingar er hún sinnti af alúð, eftir því sem aðstæður leyfðu því ekki var í önnur hús að venda á þeim tíma.“
Gestur Friðjónsson
Main information
Material
Object-related numbers
Museumnumber a: 10162
Dimensions
26 x 8 cm
Lengd: 26 Breidd: 8 cm
Record type
Collection
Undirskrá: Byggðasafn Borgarfjarðar
Keywords
Keyword: Vettlingur
